वणी पोलीस स्टेशन हद्दीत येणाऱ्या भांदेवाडा येथे शनिवारी ९ सप्टेंबर रोजी काही इसम सार्वजनिक ठिकाणी जुगार खेळत असल्याची माहिती मिळाली. सदर ठिकाणी छापा टाकला असता ७ जुगाऱ्यांना अटक करण्यात आली. त्यांच्याकडून ५४ हजार ४७० रुपयांचा मुद्देमाल जप्त करण्यात आला आहे.

भांदेवाडा येथील वेकोलि परिसरात काही इसम जुगार खेळत असल्याची माहिती पोलीस निरीक्षक अजित जाधव यांना मिळाली. त्या माहितीवरून पोलीस कर्मचाऱ्यांनी जाऊन रेड केला असता राहुल नानाजी गोरे (२९), नामदेव अर्जुन आत्राम (५४), मिलिंद वसंता डंभारे (४५), सूर्यभान रमेश देवाळकर (२६), शंकर यादव खापणे (४५), चंद्रभान रमेश देवाळकर (३०) सर्व रा. भांदेवाडा व पवन शेषराव बरडे (२५) रा. निंबाळा यांना अटक करण्यात आली. त्यांच्याकडून ५४ हजार ४७० रुपयांचा मुद्देमाल जप्त करण्यात आला. अटक करण्यात आलेल्या सातही जणांविरुद्ध कलम 12 महाराष्ट्र जुगार कायदा नुसार गुन्हा दाखल करण्यात आला आहे.

सदर कारवाई सदर कारवाई पोलीस अधीक्षक डॉ पवन बन्सोड , पियुष जगताप अप्पर पोलीस अधीक्षक यवतमाळ, उपविभागीय पोलीस अधिकारी गणेश किंद्रे यांच्या आदेशाने ठाणेदार अजित जाधव यांच्या मार्गदर्शनाखाली सपोनि/ माधव शिंदे, हरींद्रकुमार भारती, पंकज उंबरकर, सुदर्शन वानोळे, विशाल गेडाम व गजानन कुडमेथे यांनी केली.