सहसंपादक : रामभाऊ भोयर
राळेगाव तालुक्यातील खैरी येथील जिल्हा परिषद केंद्र शाळा व्यवस्थापन समितीची निवड दिनांक १०/०२/२०२४ रोजी शनिवारला जिल्हा परिषद प्राथमिक केंद्र शाळा खैरी चे मुख्याध्यापक तथा केंद्रप्रमुख श्री सुरेश कुंभलकर तसेच शाळेचे शिक्षक राजकुमार शिंदे ,प्रवीण दीडपाये ,महेंद्र कौराती यांच्या उपस्थितीमध्ये पार पडली यावेळी खैरी जिल्हा परिषद उच्च प्राथमिक केंद्र शाळा व्यवस्थापन समितीचे १२ सदस्य निवडण्यात आले व त्यामधून शाळा व्यवस्थापन समितीच्या अध्यक्षपदी खुशाल वानखेडे यांची दुसऱ्यांदा निवड करण्यात आली व उपाध्यक्षपदी सौ रिता भारत निंबुळकर यांची निवड करण्यात आली. अध्यक्ष उपाध्यक्षांची निवड अविरोध झाली.शाळा व्यवस्थापन समितीची निवड ही पालक सभा घेऊन शांततेत व आनंदमय वातावरणात पार पडली यात अध्यक्ष म्हणून श्री खुशाल वानखेडे तर उपाध्यक्ष म्हणून सौ .रीता भारत निंबुळकर तर सदस्य म्हणून श्री गजानन पांगुळ, प्रमोद डफरे ,गणेश चिडे ,उमेश भारशंकर, अमोल दडमल, सौ .सोनू देवानंद पाउणकर, सौ वर्षा अंगूल नरांजे, सौ मेघा दिनेश खडसंग ,सौ प्रणाली सुनील सोनटक्के ,सौ मेघा अतुल आसुटकर यांची निवड करण्यात सर्व सदस्यांची निवड झाल्यावर सर्व सदस्य व पालक वर्गातून एकमताने श्री खुशाल वानखेडे यांची अध्यक्ष म्हणून निवड करण्यात आली तर उपाध्यक्ष म्हणून सौ रीता भारत निंबाळकर यांची निवड करण्यात आली. शाळा व्यवस्थापन समितीची निवड ही शांततेत व आनंदमय वातावरणात पार पडली निवड प्रक्रिये वेळी जिल्हा परिषद उच्च प्राथमिक केंद्र शाळा खैरीचे मुख्याध्यापक तथा केंद्रप्रमुख श्री सुरेश कुंभालकर तसे शाळेचे शिक्षक श्री राजकुमार शिंदे प्रवीण दीडपाये महेंद्र कौरती यांनी पालक सभेत पालकांना मार्गदर्शन करून व्यवस्थापन समितीची निवड प्रक्रिया शांततेत पार पाडली .खैरी केंद्राचे केंद्रप्रमुख तथा जिल्हा परिषद प्राथमिक केंद्र शाळेचे प्रभारी मुख्याध्यापक श्री सुरेश कुंभलकर यांनी सर्व पालक वर्गांना मार्गदर्शन करताना सांगितले की शाळा ही मंदिरासारखी असावी शाळेचा विकास होणे खूप महत्त्वाचे आहे शाळेतील गोरगरीब मुलांना भौतिक सुविधा मिळणे सुद्धा खूप महत्त्वाचे आहे नवनियुक्त झालेले अध्यक्ष व सदस्य यांनी शाळेचा विकास व मुलांची गुणवत्ता सुधारण्यासाठी प्रयत्न करावे व खैरी गावातील सर्व नागरिकांनी गावच्या शाळेचा विकास व्हावा या दृष्टिकोनातून बघावे शिक्षक बांधवांना कोणापासूनही त्रास होऊ नये अशी दक्षता गावातील जनतेने घेणे महत्त्वाचे आहे असे कुंभलकर सर यांनी पालक वर्गांना मार्गदर्शन केले.
नवनियुक्त अध्यक्ष खुशाल वानखेडे यांनी सांगितले की मला खैरी गावातील पालक वर्गानी यापूर्वी दोनदा व आता दोनदा असे चौथ्यांदा अध्यक्षपदी नियुक्त करून जो विश्वास टाकला त्या विश्वासाला तडा जाऊ देणार नाही शाळेच्या विकासासाठी मी कटिबद्ध राहील मुलांच्या शैक्षणिक ,सांस्कृतिक क्रीडा गुणांना वाव देण्यासाठी मी प्रयत्न करणार विद्यार्थ्यांची शैक्षणिक शारीरिक गुणवत्ता वाढीसाठी भर देणार व माझ्या परीने जेवढा जास्त मुलांचा व शाळेचा विकास करता येईल त्यासाठी मी कटिबद्ध आहे व शिक्षकांना कोणताही त्रास होऊ देऊ देणार नाही त्याचप्रमाणे मुलाच्या गुणवंता वाढवण्यासाठी भर देण्याचे आम्ही सर्व समिती व शिक्षक वर्ग प्रयत्न करणार त्याचप्रमाणे सर्व पालक वर्गाचे मी आभार मानतो व ज्या लोकांनी मला प्रत्यक्ष अप्रत्यक्ष सहकार्य केले त्या लोकांचे सुद्धा मी आभार मानतो व ज्या लोकांनी मला सहकार्य केले नसेल त्या लोकांचे सुद्धा मी मनापासून आभार मानतो आणि गावातील शाळेसाठी सर्वांनी मिळून सहकार्य करावे अशी अपेक्षा बाळगतो .
चौथ्यांदा नवनिर्वाचित केंद्र शाळा खैरी शाळा व्यवस्थापन समिती अध्यक्ष खुशाल सितारामजी वानखेडे
