सहसंपादक : रामभाऊ भोयर
सर्वसामान्य जनतेला शासनाच्या प्रत्येक योजनेचा लाभ मिळवून घेण्या करता कागदपत्रांची पूर्तता करावी लागते यात अडचणी येण्याची शक्यता नाकारता येत नाही त्यामुळे मिळणाऱ्या योजना पासून लाभार्थी दूर राहतो असे होऊ नये यासाठी महाराष्ट्रातील युती सरकारने शासन आपल्या दारी कार्यक्रम राबविण्याचे ठरविले आहे यात बरेच प्रश्न निकाली लागणे क्रमप्राप्त आहे .सर्व बाबी लक्षात घेऊन राळेगाव तालुक्यातील ग्रामीण भागाकरिता दिनांक २२ जुलै २०२४ला शासन आपल्या दारी कार्यक्रमा अंतर्गत जनता दरबाराचे आयोजन राळेगांव मतदार संघाचे विद्यमान आमदार प्रा डॉ अशोक उईके ( माजी आदिवासी विकास मंत्री ) यांनी त्रिमूर्ती मंगल कार्यालय राळेगाव येथे केले आहे . मुख्यमंत्री माझी लाडकी बहीण, योजनेची नोंदणी करणे गोरगरीब अतिक्रमण धारकांचे पट्टे नियमानुसार करण्यासाठी कार्यवाही करणे, गरीब कुटुंबांना त्वरित घरकुल मंजूर करण्यासाठी प्रक्रिया राबविणे, वन हक्क अधिकार कायदा अंतर्गत शेतजमीन पट्टे मिळवण्यासाठी प्रक्रिया राबविणे, गायरान जमिनीवरील अतिक्रमण पट्टे देऊन नियमानुसार करण्याची प्रक्रिया राबविणे, या विषयावरील सर्वसामान्य जनतेचे प्रश्न जनता दरबारात सोडवायला प्राधान्य देण्यात येणार आहे . तसेच पीएम किसान नोंदणी ,आधार कार्ड अपडेट करणे, पाच वर्षाच्या मुलांची आधार नोंदणी करणे ,अधिवास, अतुल्य भारत गोल्डन कार्ड , नॉन क्रिमिलियर, शिधापत्रिके संदर्भात समस्या सोडविणे ,नैसर्गिक आपत्ती आधार प्रमाण की करणे ,नवीन मतदान कार्ड काढणे ,अशा २२ सेवा करिता येणाऱ्या अडचणी शासन आपल्या दारी कार्यक्रमाअंतर्गत जनता दरबारात सोडविण्याला प्राधान्य देण्यात येणार आहे . सर्व प्रशासकीय कार्यालयाचे प्रमुख त्याच्या अधिनस्त असलेले कर्मचारी उपस्थीत राहणार आहे . तहसील कार्यालय पंचायत समिती कार्यालय भूमी अभिलेख कार्यालय कृषी कार्यालय पोलीस विभाग या कार्यालयात कामाकरिता सामान्यानांना पायपीट करावी लागते आयोजित शासन आपल्या दारी कार्यक्रमांतर्गत जनता दरबारात सर्व प्रश्नांचे समाधान करण्याचा प्रामाणिक प्रयत्न होणार आहे .असा विश्वास राळेगाव विधानसभा मतदार संघाचे विद्यमान आमदार प्रा डॉ अशोक उईके (माजी आदिवासी विकास मंत्री ) यांनी व्यक्त केला आहे . शासन आपल्या दारी कार्यक्रमांतर्गत जनता दरबारात येऊन आपले प्रश्न समस्या सोडवण्याचा प्रयत्न करावा कार्यक्रमाचा लाभ सर्वच सामान्य जनतेने घ्यावा व कार्यक्रमाला मोठ्या संख्येने उपस्थित राहावे असे आव्हान राळेगाव विधानसभा मतदार संघाचे आमदार प्रा डॉ अशोक उईके यांनी केले आहे .
