सहसंपादक : रामभाऊ भोयर

विधानसभा निवडणुकीसाठी शिवसेनेकडून रणनीती आखली जात आहे. याचाच एक भाग म्हणून शिवसेनेकडून ११३ विधानसभा मतदारसंघांसाठी जोरदार मोर्चेबांधणी सुरू केली आहे. शनिवारी विधानसभा प्रभारी आणि विधानसभा निरिक्षकांच्या अधिकृतरित्या नियुक्त्या करण्यात आल्या आहेत. यामध्ये रिसोड आणि देवळी विधानसभा मतदारसंघाच्या प्रभारी पदी आमदार भावनाताई गवळी पाटील यांची नियुक्ती करण्यात आली आहे.
मुख्यमंत्री एकनाथराव शिंदे यांच्या
नेतृत्वाखालील शिवसेनेनं शनिवारी 113 विधानसभा मतदारसंघात 46 विधानसभा प्रभारी आणि 93 विधानसभा निरीक्षकांची नियुक्ती केली. यासोबतच शिवसेना विधानसभा निवडणुकीत विधानसभा निवडणुकीसाठी अवघे दोन महिने शिल्लक राहिले आहेत. अशा परिस्थितीत विधानसभा निवडणुकीसाठी कोणतीही कमतरता राहू नये, म्हणून मुख्यमंत्री एकनाथराव शिंदे यांनी आपल्या नेत्यांची फौज तयारीसाठी उतरवली आहे. यामध्ये आमदार भावनाताई गवळी पाटील यांच्यावर वाशिम जिल्ह्यातील रिसोड आणि वर्धा जिल्ह्यातील देवळी या दोन विधानसभा मतदारसंघाची जबाबदारी देण्यात आली आहे.

काही दिवसांपूर्वीच मुख्यमंत्री एकनाथ शिंदे यांच्या ‘वर्षा’ या निवासस्थानी शिवसेनेची मेगाबैठक झाली होती. या बैठकीला मंत्री, खासदार- आमदार, पदाधिकारी उपस्थित होते. त्या बैठकीत आगामी निवडणूक, जागा वाटप आणि पक्ष बांधणीसह विविध मुद्द्यांवर चर्चा झाली. यावेळी मुख्यमंत्री शिंदे यांनी पक्षातील नेत्यांना आणि पदाधिकाऱ्यांना काही सूचना दिल्या. तसेच यावेळी त्यांनी आपल्याला आगामी निवडणुकीत चांगलं मताधिक्य मिळवायचं असल्याचं सांगितलं. प्रत्येकाने आपल्या मतदारसंघात लक्ष द्यावं. सरकारी योजना तळागळापर्यंत पोहोचवा. पक्षात नवे सदस्य आणण्यावर भर द्या. सदस्य नोंदणी वाढवा, यांसारख्या अनेक सूचना नेत्यांना दिल्या आहेत.
रिसोड व देवळी विधानसभा मतदारसंघाची जबाबदारी आमदार भावनाताई गवळी पाटील यांच्यावर वाशिम जिल्ह्यातील रिसोड वर्धा जिल्ह्यातील देवळी या विधानसभा मतदारसंघाची जबाबदारी देण्यात आली आहे. रिसोड विधानसभा मतदार संघात यापूर्वीच शिवसेनेकडून मोर्चे बांधणी सुरू करण्यात आली आहे. देवळी मतदारसंघावर शिवसेना यापूर्वीही दावा केला होता. आता या मतदारसंघात शिवसेनेचा उमेदवार निवडून आणण्यासाठी कंबर कसली आहे.