सहसंपादक : रामभाऊ भोयर
दत्तकृपा बहुउद्देशीय संस्था, वडकी आणि आचार्य विनोबा भावे ग्रामीण रुग्णालय, सावंगी (मेघे), वर्धा यांच्या संयुक्त विद्यमाने स्व. मोहित राजेंद्र झोटींग यांच्या आठव्या स्मृतिदिनानिमित्त भव्य रोगनिदान, उपचार व रक्तदान शिबिराचे आयोजन दिनांक १२ ऑगस्ट रोजी सोनामाता हायस्कूल येथे करण्यात आले आहे.
सामाजिक कार्यकर्ते राजेंद्र झोटींग हे दरवर्षी स्व. मोहित यांच्या स्मृतिदिनानिमित्त सामाजिक जाणिवेतून उपक्रम राबवित असतात. स्व. मोहित यांचे सात वर्षांपूर्वी आजाराने निधन झाले होते. आपल्या एकुलत्या एक मुलाचे देहदान करण्याचा निर्णय राजेंद्र झोटींग यांनी घेऊन नागपूर मेडिकल कॉलेजला मृतदेह सुपूर्द केला होता, ही बाब विशेष उल्लेखनीय आहे.
या आरोग्य व रक्तदान शिबिराचे उद्घाटन आमदार करण देवतळे यांच्या हस्ते होणार असून कार्यक्रमाचे अध्यक्ष म्हणून चित्तरंजनदादा कोल्हे, माजी जि.प. सदस्य उपस्थित राहतील. प्रमुख उपस्थितीमध्ये प्रितीताई काकडे (माजी जि.प. सदस्या), प्रविणभाऊ कोकाटे (माजी सभापती प.स.), अशोकराव पाटील (माजी प.स. सदस्य), सुखदेव भोरकडे (पोलिस निरीक्षक), रुपाली राऊत (सरपंच), अनिल धोबे (मुख्याध्यापक) यांचा समावेश आहे.
दि. १२ ऑगस्टला होणाऱ्या सर्व रोगनिदान शिबिराचा लाभ तालुक्यातील नागरिकांनी घ्यावा व रक्तदान शिबिरात रक्तदान करण्यासाठी तरुणांनी सहभाग नोंदवावा, असे आवाहन डॉ. पंकज टापरे, प्रकाश चिव्हाणे, दिलीप बांगरे, अतुल दांडेकर, डॉ. राजश्री टापरे, प्रशांत अहिरकर, प्रदीप झोटींग आणि दत्तकृपा बहुउद्देशीय संस्थेच्या वतीने करण्यात आले आहे.
