प्रतिनिधी::प्रवीण जोशी
ढाणकी
ढाणकी शहरातील बुलढाणा क्रेडिट को-ऑपरेटिव्ह सोसायटीमध्ये मोठ्या प्रमाणात चार ऑगस्ट रोजी सोने अपहार झाला होता त्यानुसार तक्रारदार मुग्धा विवेक देशपांडे (विभागीय व्यवस्थापक) बुलढाणा अर्बन को-ऑपरेटिव्ह सोसायटी विभाग यवतमाळ यांनी तक्रार दिली होती. त्यानुसार बुलढाणा अर्बन को-ऑपरेटिव्ह क्रेडिट सोसायटी शाखा ढाणकी येथून दि०२/०८/२०२५ रोजी सोने तारण कर्ज पदभार असलेला कर्मचारी उमेश सुनील वाघ राहणार बेलखेड याने रामेश्वर गजानन धुमाळे राहणार बेलखेड यांचे मदतीने बुलढाणा अर्बन को-ऑप क्रेडिट सोसायटी ढाणकी मधून ३० सोने तारण पाकीट ज्यामध्ये ५६५:१५ ग्रॅम सोने किंमत ५७००,००० रु हे लॉकर चे कपाट मधून दिनांक: १५/०७/२०२५ ते ०३/०८/२०२५ यादरम्यान चोरी करून अपहार केला व सदरचे सोने घेऊन दोन्ही आरोपी फरार झाले. अशा तक्रारीवरून पोलीस स्टेशन बिटरगाव(बु)येथे अप.न.१७९/२५ कलम ३१६(५) ,३१८(३),३१८(४),३१८(२)३(५) भारतीय न्याय संहिता प्रमाणे नोंद आहे.
सदर गुन्ह्याचे गांभीर्य पाहून पोलीस अधीक्षक कुमार चिंता यांच्या सूचनेप्रमाणे सपोनि पांडुरंग शिंदे ठाणेदार बिटरगाव(बु)यांनी आरोपी शोधकामी पथक नेमले त्यात पोउपनि सागर अन्नमवार पोशि प्रवीण जाधव पोशि रावसाहेब मस्के यांची नेमणूक करण्यात आली होती. त्याप्रमाणे गोपनीय माहिती व सायबर सेल यवतमाळ यांच्या मदतीने गुन्ह्यातील फरार आरोपी १) उमेश सुनील वाघ २) रामेश्वर गजानन धुमाळे राहणार बेलखेड तालुका उमरखेड यांना दि२१/०८/२०२५ रोजी पिंपरी चिंचवड पुणे येथून ताब्यात घेण्यात आले. त्याकरिता पोस्ट पिंपरी येथील पोऊपनि चिरंजीव दलालवाड यांच्या पथकाचे सहकार्य लाभले. दोन्ही आरोपीस पोलीस स्टेशन बिटरगाव (बु)येथे आणून तपास केला. आरोपीने गुन्ह्यात चोरी केलेल्या ५१५:१५ ग्रॅम सोने किंमत ५७,००,००० रु पैकी ५४१:१५ ग्रॅम सोने किंमत अंदाजे ५५१९७३० रुपये किमतीचा मुद्देमाल गुन्ह्यात आरोपीने वापरलेले दुचाकी वाहन जप्त करण्यात आले. आरोपींना न्यायालयापुढे हजर केले असता न्यायालयाने चार दिवसाची पोलीस कस्टडी रिमांड मंजूर केला आहे.
सदरची कारवाई पोलीस अधीक्षक यवतमाळ कुमार चिंता अप्पर पोलीस अधीक्षक अशोक थोरात उपविभागीय पोलीस अधिकारी हनुमंत गायकवाड यांचे मार्गदर्शनात सपोनि पांडुरंग शिंदे, पोऊपनि सागर अन्नमवार, रवी गीते, राहुल कोकरे, दत्ता हिंगाडे, मोहन चाटे, प्रवीण जाधव, रावसाहेब मस्के, प्रकाश मुंडे, यांनी यशस्वीरित्या पार पडली पुढील तपास ठाणेदार पांडुरंग शिंदे व पोऊपनि सागर अन्नमवार हे करत आहे.
