सहसंपादक ::रामभाऊ भोयर

शाळा व विध्यार्थी हा गावाचा कणा आहे, देशाची धरोहर तुमच्या हाती आहे . उदयाचा आदर्श समाज यातून निर्माण होईल,ग्रामीण भागातील विद्यार्थी -विध्यार्थिनीं यांच्या मध्ये प्रचंड क्षमता आहे, योग्य संधी मिळाल्यास ते कर्तृत्व सिद्ध करतात, खेळ व क्रीडा स्पर्धाचे आयोजन करून आपण त्यांना संधी उपलब्ध करून देतो, या तालुका स्थरीय स्पर्धेत हा उद्देश सफल होतांना दिसतो असे प्रतिपादन राज्याचे आदिवासी विकास मंत्री ना. प्रा. डॉ.अशोक उईके यांनी केले. जळका येथील आयोजित तीन दिवशीय खेळ व क्रीडा स्पर्धेच्या निमित्ताने आयोजित कार्यक्रमात ते बोलत होते.
या वेळी मंचावर भाजपा जिल्हाध्यक्ष ऍड. प्रफुल चौहान, राळेगाव भाजपा तालुकाध्यक्ष छायाताई पिंपरे, तहसीलदार अमित भोईटे, गटविकास अधिकारी केशव पवार, सहा. गविअ. भारती इसाळ, गट शिक्षणाधिकारी नवनाथ लहाने, सरपंचा सुषमा तुमराम, माजी जि. प. सदस्या उषाताई भोयर, माजी प. सं. सदस्या शीलाताई सलाम, संजय काकडे, बबनराव भोंगारे, सचिनसिंह चौहान, अरुणभाऊ गोंडे आदि मान्यवर उपस्थित होते.
खेळ व कला संवर्धन मंडळ पंचायत समिती राळेगाव व केंद्र यांचे वतीने, तालुकास्तरीय शालेय खेळ व क्रीडा स्पर्धा -2025 चे आयोजन प्रतिभा आश्रमशाळा जळका येथे करण्यात आले आहे. दी. 25 डिसेंबर रोजी स्पर्धेचे उदघाट्न झाले.कब -बुलबुल उत्सव,सांघिक व वैयक्तिक खेळ यात विध्यार्थी -विध्यार्थिनीं सहभागी झाले . विध्यार्थ्यांचा उत्साह द्विगुणित व्हावा, त्यांच्या उपजत गुणांना वाव मिळावा या उद्देशाने या क्रीडा व सांस्कृतिक महोत्सवाचे आयोजन जळका येथे करण्यात आले आहे.असे मनोगत गट विकास अधिकारी केशव पवार यांनी केले.
या क्रीडा व सांस्कृतिक महोत्सवाचा बक्षीस वितरण सोहळा शनिवार 27 डिसेंबर ला होईल. या कार्यक्रमाचे अध्यक्ष सुशीला तुमराम सरपंच जळका, बक्षीस वितरण सोहळ्याचे प्रमुख उपविभागीय अधिकारी सुधीर पाटील,प्रमुख अतिथी तहसीलदार अमित भोईटे,गट विकास अधिकारी केशव पवार, पोलीस निरीक्षक शीतल मालटे, राळेगाव मुख्याधिकारी गिरीश पारेकर, सहा. गविअ. भारती इसाळ, गटशिक्षणाधिकारी नवनाथ लहाने, तालुका आरोग्य अधिकारी डॉ. कपिल गोटे, आर. एफ. ओ. मेघा गुंडलवार, शाळा व्यव. समिती अध्यक्ष रवी डवरे,सर्व ग्रा. प. व शाळा व्यव. समिती सदस्य ही मान्यवर मंडळी उपस्थित राहणार आहे.
तालुका स्तरीय शालेय खेळ व क्रीडा स्पर्धेच्या हा तीन दिवसीय महोत्सव गट विकास अधिकारी केशव पवार, सहा. गविअ. भारती इसाळ, गटशिक्षणाधिकारी नवनाथ लहाने, विस्तार अधिकारी निलेश दाभाडे यांच्या मार्गदर्शनात होणार आहे. कार्यक्रमाच्या यशस्वीतेसाठी जळका,राळेगाव केंद्रप्रमुख डॉ. कल्पना डवले, खैरी केंदप्रमुख हरिदास वैरागडे, वाढोणा केंद्रप्रमुख संजय पांडे, सावरखेडा केंदप्रमुख मुकेशचंद्र भोयर, धानोरा केंदप्रमुख दीपेश शेंडे, हे परिश्रम घेतं आहे क्रीडा सचिव सागर इंझळकर, यांनी कार्यक्रमाचे संचलन केले. शिक्षक पतसंस्थेचे महेश सोनेकर यांनी विजेत्या संघाना चषक उपलब्ध करून दिले.प्रतिभा आश्रमशाळेचे मुख्याध्यापक राजू रोहणकर,जि. प. शाळा जळका मुख्याध्यापक जगदीश ठाकरे व सर्व मुख्याध्यापक सर्व शिक्षकांवृंद विशेष शिक्षक परिश्रम घेतं आहे.

तालुका स्तरीय शालेय क्रीडा स्पर्धे करीता जळका येथील प्रतिभा आश्रमशाळेचे मैदानात जय्यत तयारी करण्यात आली.योग्य नियोजना करीता विविध समित्यांचे गठन करण्यात आले. 25 डिसेंबर ला 10.30 वा उदघाट्ना नंतर सांस्कृतिक व क्रीडा स्पर्धा 6 ते 14 या दोन वयोगटात होतील. दी. 26 ला 11ते 14 वयोगटातील मुले -मुली कबड्डी, लंगडी व खो -खो चे सामने होणार आहे. शनिवार दी.27 ला 6ते 14 वयोगटातील कबड्डी, लंगडी, खो -खो स्पर्धत चूरस पहायला मिळेल. दु. 4 वा. बक्षीस वितरण व समारोपीय कार्यक्रम होणार आहे. यात राळेगाव तालुक्यातील सर्व शिक्षक -शिक्षिका सहभागी असतील.