वेकोलिच्या जलशुद्धीकरण केंद्रातून माजरी गावाला होत होता जवळपास २०० एमएलडी पाण्याचा पुरवठा*
चैतन्य राजेश कोहळे,भद्रावती :-
भद्रावती तालुक्यातील वेकोलि माजरी क्षेत्रांतर्गत असलेल्या माजरी या गावात गेल्या दोन दिवसांपासून वेकोलिच्या विद्युत विभागाचे के. वी. ६६ सबस्टेशन मध्ये ६६ केव्ही रोहित्राची ३३ केव्ही रोहित्रामध्ये परिवर्तित करण्याचे काम सुरू असल्याने माजरी, कुचना, चारगाव, तेलावसा व ढोरवासा या वेकोलिच्या वसाहतीतील विद्युत पुरवठा खंडित झालेला आहे. विद्युत पुरवठा खंडित झाल्याने नळाचे पिण्याचे पाणी बंद आहे. पुन्हा दोन दिवस वीज व पाणी मिळणार नाही. विद्युत रोहित्र तीन दिवसांपासून निकामी झाल्यामुळे वेकोलिच्या वसाहतीतील अंधार दाटला असून दोन दिवसांपासून या परिसरातील नागरिकांना काळोखात दिवस काढावे लागत आहेत.
याबाबत वेकोलिच्या कामगारांनी विद्युत विभागाला कळविले असता अजूनही दखल न घेतल्याने वेकोलि कामगारांमध्ये नाराजी व्यक्त होत आहे. यापूर्वी वेकोलिच्या विद्युत विभागाकडून ६६ केव्हीचा रोहित्र वापरण्यात येत होते. मात्र काही दिवसांपूर्वी ६६ केव्हीचा रोहित्र बदलून ३३ केव्हीचा रोहित्र लावण्यात आला. दरम्यान ३३ केव्हीचा रोहित्र निकामी झाल्याने वीजपुरवठा खंडित आहे. त्यामुळे पाणी पुरवठा, उत्पादन, कार्यालयीन व अन्य महत्वपूर्ण कामे प्रभावित झाले आहे.
“महावितरण” कडून दुरुस्ती कामासाठी वीजपुरवठा बंद राहणार असेल तर तसे ग्राहकांना आधी एक – दोन दिवस मोबाइलवर ‘एसएमएस’ द्वारे कळवले जाते. वेकोलिच्या रोहित्र बदलण्याचे काम सुरु असल्याने तसेच पाटाळा – नागलोन या मार्गावर विद्युत खांबावर विद्युत तार टाकत असल्याने वीजपुरवठा बंद केल्याने, वीज पुरवठा बंद राहणार असल्याबाबतचा वेकोलि प्रशासनांकडून कोणताही पूर्वसूचना न देता अचानक वीजपुरवठा खंडित केल्याने वेकोलि कामगारांमध्ये संतप्त वेक्त केला जात आहे.
वेकोलि प्रशासनाच्या चुकीमुळे वेकोलि कामगारांचे जनजीवन विस्कळित झाले आहे. तांत्रिक कारणे न सांगता वेकोलिने लवकरात लवकर विद्युत पुरवठा पूर्ववत सुरु करावे अशी मागणी नागरिकांमध्ये होत आहे.
रोहित्र बंद पडल्याने वीजपुरवठा खंडित झालेला आहे, चालू होण्यासाठी पुन्हा दोन दिवस लागेल काम सुरू आहे.
लोकेश मालव (अभियंता), विद्युत विभाग, वेकोलि माजरी क्षेत्र
