ढाणकी प्रतिनिधी प्रवीण जोशी
श्रावण महिन्यात प्रत्येक महादेव मंदिरात भक्तांची गर्दी असते ,
उत्सव असतात .त्या निमित्याने या महिन्याला अनन्य साधारण महत्व असते ढाणकी पासून जवळच असलेल्या हरदडा येथे श्री शंभू शंकराचे अत्यंत जागृत हेमाडपंथी मंदिर आहे विशेष म्हणजे भक्तांच्या मनोकामना पूर्ण होतात अशी ख्याती असल्याने दूर दूर दुरून भक्त गण दर्शनासाठी येतात.
तसेच या ठिकाणी विविध भक्तिमय कार्यक्रमाचे आयोजन केले जाते त्या मधे कीर्तन भजन असे विविध कार्यक्रम या महिन्यात आयोजित करतात. त्यामुळे पंचक्रोशीतील सर्व भाविक भक्तांना या बाबीचा लाभ होत असतो निसर्गाने सुध्दा या ठिकाणी आपले सौंदर्य अगदी भरभरून दिले आहे .चोहोबाजूंनी जंगलाने वेढलेला असल्या कारणाने या मंदिराला एक वेगळेच महत्व प्राप्त झाले आहे. मागील दीन ते अडीच वर्ष कोरोना महामारीत गेल्याने अनेक सण उत्सव सर्वसामान्य भक्तांना मुकावे लागले पण महामारीचे भीतीयुक्त वातावरण निवळले असल्यामुळे नक्कीच भक्तांना यावेळी दर्शनाचा लाभ झाल्यामुळे एक वेगळाच उत्साह भाविकांच्या चेहऱ्यावर ओसंडून वाहत असताना दिसत होता. तसेच यावेळी महादेवाच्या पिंडीवर मनमोहक फुलांची सजावट आणि पूजाविधी शिव भक्ताचे लक्ष वेधून घेता ना दिसत होते तसेच हरदडा हे हेमाडपंथी मंदिर म्हणून विदर्भात सुद्धा प्रसिद्ध आहे. तसेच या महिन्यामध्ये विविध वनस्पती च्या फुलांना आणि पानांना सुद्धा विशेष महत्त्व असते त्यामधे आणि अनेक सण उत्सवांची सुद्धा मांदियाळी असते नागपंचमी, नारळी पौर्णिमा ,रक्षा बंधन पोळा इत्यादी सणाची रेलचेल असल्या कारणाने या महिन्यात करटुले आघाडा केना चिराटी घोळ जिवती करादे इत्यादी फळाला व फुलांचा विशेष मान असतो.
