वर्धा/प्रतिनिधी/पियूष रेवतकर

वर्धा:- महात्मा गांधी आंतरराष्ट्रीय हिंदी विद्यापीठ, वर्धा येथील जनसंपर्क अधिकारी बुध्ददास मिरगे यांच्या 53 व्या वाढदिवसानिमित्त सहचारिणी प्रगती ,मुलगी सेजल व मुलगा अन्वेश यांच्या प्रमुख उपस्थितीत स्थानिक बुद्ध टेकडीवर सोमवार दि. 29 ऑगस्ट 2022 रोजी पिंपळ या झाडाचे रोपण करून पर्यावरणपूरक कृतिशील वाढदिवस साजरा करण्यात आला.
प्रारंभी बुद्ध प्रतिमेला अभिवादन करण्यात आले. त्यानंतर राजुभाऊ थूल यांनी बुद्ध वंदना घेतली. त्यानंतर प्रजासत्ताक शिक्षक कर्मचारी संघाचे मनोहर लांडगे, पत्नी अनिता लांडगे , सत्येंद्र गोटे व सामाजिक कार्यकर्ते प्रवीण कांबळे, सदस्य माजी मुख्याध्यापक प्रभाकर भगत यांचे उपस्थितीमध्ये सदिच्छा पर कार्यक्रम घेण्यात आला. याप्रसंगी वर्तमान स्थितीमध्ये झाडाचे रोपण व संगोपन करणे किती गरजेचे आहे हे लक्षात घेऊन प्रत्येकाने आपल्या वाढदिवशी किमान एक झाड लावून त्याचे संगोपन करण्याचा संकल्प मिरगे कुटुंबीयांनी केला. या कार्यक्रमाचे सूत्रसंचालन सामाजिक कार्यकर्ते सुनील ढाले यांनी केले. आयोजनासाठी प्रकाश कांबळे, राहुल कांबळे, सुनील वालडे यांनी सहकार्य केले.