राळेगाव तालुका प्रतिनिधी रामभाऊ भोयर
राळेगाव तालुक्यातील धानोरा गावातील गेल्या ७-८ वर्षांपासून बंद पडलेला आठवडी बाजार ग्रामपंचायत च्या पुढाकाराने मंगळवार पासून पुन्हा सुरू करण्यात आला असून पहिल्याच दिवशी बाजारात भाजीपाला विक्रेते, स्टेशनरी, कापड विक्रेते, फरसाण विक्रेते , पादत्राणे यांची दुकाने आल्याने धानोरा आणि परिसरातील खेड्यातील नागरिकांनी खरेदीसाठी एकच गर्दी केली होती. यावेळी ग्रामपंचायत धानोरा च्या वतीने बाजारात आलेल्या व्यावसायिकांना श्रीफळ देऊन सन्मान करण्यात आला. यावेळी ग्रामपंचायत सदस्य अविनाश घोडे, विजय चकोले , उपसरपंच विशाल येनोरकर , राजाभाऊ उराडे, राजुभाऊ दडमल , मधुकर जुनघारे , राजू गुजरकर, गजानन मुन, प्रफुल देवतळे, प्रणय मुडे तसेच गावातील असंख्य नागरिक उपस्थित होते .यानंतर दर मंगळवार ला असाच बाजार भरणार असून त्याचा फायदा धानोरा आणि परिसरातील गोर- गरीब मजूर वर्गाला तसेच लहान व्यावसायिक, भाजीपाला निर्माते शेतकरी यांना सुद्धा मोठा लाभ मिळणार आहे. यावेळी मजुरदाराला शेतकऱ्यांनी दर मंगळवारला मजुरी देऊन मदत करावी असे आवाहन ग्रामपंचायत सदस्य विजय चकोले यांनी ग्रामपंचायत च्या वतीने केले आहे.
