वणी :

झरीजामणी या आदिवासी तालुक्यातील पाटण येथील प्रा. देवीदास गायकवाड यांच्या ” शिक्षण आमचा देव “ या काव्यसंग्रहाचे नुकतेच औरंगाबाद येथे शब्दगंध समूह प्रकाशनाच्या वतीने, सिनेअभिनेत्री कु. रुपाली पवार यांच्या व प्रा. डॉ. आनंद अहिरे
हस्ते प्रकाशन करण्यात आले.

” शिक्षण आमचा देव “,
हा प्रा. देवीदास गायकवाड यांचा पहीलाच काव्यसंग्रह असून, शिक्षणाचे मह्त्व
विषद करणार्‍या 42 कविता आहेत.

” पेटला वणवा “, ‘ जीवन सगर ‘
हे दोन काव्यसंग्रह व ‘ इंग्रजी ग्रामरचा राजमार्ग’
ही पुस्तके प्रकाशनाच्या वाटेवर आहेत.प्रा. गायकवाड हे हाडाचे शिक्षक असून ते अनेक पुरस्कार प्राप्त कवि आहेत. त्यांना राज्यस्तरीय व राष्ट्रस्तरीय आदर्श शिक्षक पुरस्कार प्राप्त झाले आहेत. “शिक्षण आमचा देव”, हा अत्यंत नावीन्यपूर्ण व गरीब ग्रामीण विद्यार्थ्यांना प्रेरणादायी काव्यसंग्रह आहे. त्यांच्या या साहित्यिक यशाबद्दल सर्व स्तरातून त्यांच्यावर कौतुकाचा वर्षाव होत आहे.