. प्रेम नगर परिसरातील लुटमारीकडेही लक्ष देण्याची गरज…
वणी बहुगुणी, ज्याचे नाही कोणी त्याने यावे वणी, अशी मन असलेल्या या शहराच्या दक्षिण दिशेला जत्रा मैदान असुन या परिसरात प्रसिद्ध असा प्रेम नगर (रेड ऐरिया) आहे. या रेड ऐरियात
महाराष्ट्रासह आंध्र प्रदेश, एमपी, छत्तीसगड या राज्यातून हवसे, गवसे ,नवसे येतात. बाहेर गावावरुन आलेल्या व्यक्तीं मात्र येथुन खाली खिसे करूनच जातात. कारण या ठिकाणी देहविक्री करणाऱ्या काही महिला ह्या दारुच्या नशेत झिंगून राहत असल्यामुळे ग्राहकांचे खिसे खाली करण्यात पटाईत असल्याचे बोलले जात आहे. तर काही लुटेरे या एरिया बाहेर सावज शोधून त्यांची लुटमार करण्याच्या घटनाही उघडकीस आल्याय. आता तर या परिसरातील महिला सार्वजनिक ठिकाणी येऊन अंगाचे प्रदर्शन करत आपल्या मोहपाशात अडकविण्यासाठी पुरुषांना हातवारे करणे सुरू केल्यामुळे तिन महिलां विरुद्ध कारवाई करण्यात आली आहे.
शनिवारी २८ जानेवारी ला वणी चे पोलीस निरीक्षक प्रदिप शिरस्कर हे १: १५ वाजताचे सुमारास प्रेमनगर वस्ती (रेड येरिया) येथे सपोनि / माया चाटसे सपोनि माधव शिंदे, पोहवा / सुहास मंदावार, महिला पोकों/प्रगती काकडे यांचेसह पेट्रोलींग करीत असतांना तीन वेश्या व्यवसाय करणा-या महिला हया सार्वजनिक आम रोडवर येवुन येणारे जाणारे इसमांना हातवारे इशारे करून अश्लीलरित्या आपल्या अंगांचे जाणून बुजून प्रदर्शन मांडून अश्लील अंगविक्षेप करून वेश्या व्यवसायाचे प्रयोजना करीता प्रयत्न करीत असतांना मिळून आल्या. त्यांचे विरूध्द अनैतिक व्यापार प्रतिबंधक कायदा कलम ७.८ प्रमाणे कार्यवाही करून पुढील तपास सुरू आहे.
सदरची कार्यवाही मा. डॉ. पवन बंसोड पोलीस अधीक्षक यवतमाळ, मा. पियुष जगताप अपर पोलीस अधीक्षक यवतमाळ, मा.संजय पुज्जलवार उप.वि.पो.अ. वणी, यांचे मार्गदर्शनात पो.नि प्रदिप शिरस्कर ठाणेदार पो.स्टे. वणी, सपोनि/ माया चाटसे , सपोनि/ माधव शिंदे, पोहवा / सुहास मंदावार, महिला पोकों/प्रगती काकडे यांनी केली.
विशेष म्हणजे या परिसरात लुटमारीचे प्रमाण दिवसेंदिवस वाढत चालले असून याकडेही पोलिसांनी लक्ष देण्याची गरज असल्याचे बोलले जात आहे.
