लोकहित महाराष्ट्र उमरखेड
तालुका प्रतिनिधी: संदीप बी. जाधव
महाराष्ट्र राज्याचे महसूलमंत्री श्री. राधाकृष्ण ए. विखे पाटील यांनी वाळू वाहतुकीबाबत एक नवीन धोरण आखले आहे.अवैध वाळू विक्रीचा मुद्दा राज्यभरात चांगला चर्चेत आहे, दरम्यान राज्य सरकारने राज्यस्तरीय महसूल परिषदेत वाळू विक्री बंद करण्याचा निर्णय घेतला व नवीन धोरणाअंतर्गत घरपोच वाळू विक्री केली जाणार असल्याचे त्यांनी पत्रकार परिषदेत सांगितले .ज्यांना बांधकामासाठी वाळूची गरज असेल, त्यांनी ऑनलाईन नोंदणी करून, घरपोच वाळू पुरवठा करण्यासाठी व चालू वाळू विक्रीवरील वाद मिटवण्यासाठी हा धोरण आखण्यात आला आहे.
वाळू व्यवसायातील साईट बिजनेसचा भयानक चित्र बदलण्यासाठी हे धोरण महत्त्वपूर्ण ठरणार आहे. मोठ्या प्रमाणात उलाढाल करणारा हा व्यवसाय आहे. अनेक ठिकाणी हा व्यवसाय अनधिकृत केला जातो म्हणून भ्रष्टाचार वाढत आहे. त्यामध्ये कित्येक नेते व उद्योगपती शामिल आहेत, या व्यवसायाला शिस्त लावण्यासाठी आजपर्यंत खूप प्रयत्न झाले. यासाठी विविध नियम व अटी बनवण्यात आली.त्यामध्ये काही ना काही पळवाटा तेवढीच होती, यामुळे भ्रष्टाचाराला व चोरीला आळा घालण्यासाठी माननीय महसूल मंत्री यांनी पुढाकार घेतला.
