वरोरा:राज्यपरिवहन महामंडळामार्फत हिंदुहृदय सम्राट बाळासाहेब ठाकरे स्वच्छ सुंदर बस स्थानक अभियान स्पर्धेअंतर्गत वरोरा आगार व भद्रावती बस स्थानक तपासणीस आलेले भंडारा विभागाच्या पथकाचे वरोरा आगार व्यवस्थापक पुण्यवर्धन वर्धेकर यांनी वरोरा बसस्थानकावर स्वागत केले. महाराष्ट्र राज्य परिवहन महामंडळ यांच्या माध्यमातून राज्यातील ३१ जिल्हयातील राज्य परीवहन महामंडळाची आगारे व बसस्थानके यांची तपासणी व्हावी. प्रवाश्यांना सेवा व सुविधा मिळतात की नाही याबरोबर आगार व बसस्थानकांत गाड्यासह परिसराची स्वच्छता राहते की नाही याची दरवर्षी पहाणी व्हावी. व त्या दृष्टीने प्रवाश्यांना सोयी सुविधा कमतरता असलेल्या भागात त्या देण्याच्या उद्देशाने राज्यपरिवहन महामंडळामार्फत हिंदुहृदय सम्राट बाळासाहेब ठाकरे स्वच्छ सुंदर बस स्थानक अभियान स्पर्धात्मक स्वरूपात राबविण्यात येत आहे.
या स्वच्छ सुंदर बस स्थानक अभियान स्पर्धेत सहभाग घेतलेल्या वरोरा बस स्थानक व भद्रावती बस स्थानक या वरोरा आगाराच्या बस स्थानकाचे सर्वेक्षण करण्यासाठी आलेल्या सदर समितीमधील मा.श्रीमती तनुजा अहिरकर, विभाग नियंत्रक भंडारा, मा. छगन दिवसे, उपयंत्र अभियंता भंडारा, मा. पराग शंभरकर, कामगार अधिकारी भंडारा, श्री.राकेश तलमले, सांख्यिकी अधिकारी भंडारा, यांनी भेट दिली व बसस्थानकाची तपासणी केली. यावेळी वरोरा प्रवाशी विश्वासु संघटनेचे पदाधिकारी ॲड.विनोद वानखेडे व पत्रकार सादीक थैम यांचे मोलाचे सहकार्य लाभले. यावेळी वरोरा बसस्थानक येथे रांगोळी काढण्यात आलेली होती व बसस्थानक स्वच्छ सुंदर करण्यात आलेले होते. तसेच सदर तपासणी करिता बस स्थानक सुंदर व स्वच्छ करण्यामध्ये पुण्यवर्धन वर्धेकर, आगार व्यवस्थापक वरोरा व सर्व पर्यवेक्षक कर्मचारी, तसेच सर्व कर्मचारी वृंद यांनी परिश्रम घेतले.
