( राळेगाव येथे बिरसा मुंडा जयंती उत्साहात साजरी )

आदिवासी, शेतकरी,कष्टकरी व सर्वसामान्य माणसाचे देश उभारणीत योगदान फार मोठे आहे.जननायक, क्रांतीसूर्य बिरसा मुंडा यांनी क्रांतीचा जो विचार दिला, विकासाची जी दिशा दाखवली त्या मार्गाने आदिवासी समाजाला सामाजिक,आर्थिक,राजकीय व शैक्षणिक क्षेत्रात उत्तुंग भरारी घेण्याची प्रेरणा प्राप्त होत असते. बिरसा मुंडा उत्सव समिती राळेगाव चे वतीने राष्ट्रीय जनजाती गौरव दिनाचे औचित्य साधून भगवान बिरसा मुंडा जयंती आदिवासी बांधव व सर्व नागरिकांनी उत्साहात साजरी केली, याचा मला अभिमान वाटतो असे प्रतिपादन माजी आदिवासी विकास मंत्री तथा आमदार प्रा. डॉ. अशोक उईके यांनी केले. बिरसा मुंडा जयंती निमित्त आयोजित कार्यक्रमात त्यांनी आपल्या भावनांना वाट मोकळी करून दिली.या वेळी एक तिर एक कमान, आदिवासी एक समान या नाऱ्याने परिसर दणाणून गेला होता. तालुक्यातील विविध गावातून हजारोच्या संख्येने आदिवासी बांधव, महिला यात सहभागी झाले.
बिरसा मुंडा चौक राळेगाव येथे भगवान बिरसा मुंडा यांच्या पुतळ्याचे पूजन करण्यात आले. या ठिकाणावरून भव्य रैली निघाली. राळेगाव शहराच्या मुख्य मार्गांवरून हजारो नागरिक, महिला -भगिनीं यात सहभागी झाल्या. आकर्षक चित्ररथ, झं|की, पुष्पवृष्ठी यांनी राळेगावकरांचे लक्ष वेधून घेतले. पारंपरिक वेषातील आदिवासी बांधवांच्या नृत्य|ने रंगत आणली. ढोल, ताशा, बँड च्या तालावर थिरकणाऱ्या पाऊलांनी या उत्साहात भर घातली.भगवान बिरसा मुंडा यांच्या जीवनकार्यावर प्रकाश टाकणारा, त्यांचे विचार प्रदर्शीत करणारा चित्ररथ राळेगावकराना बिरसा मुंडा यांच्या कार्यकर्तृत्व|ला उजाळा देणारा ठरला. सायं.6 वा भाऊसाहेब कोल्हे सभागृह येथे सुप्रसिद्ध गायक रेला रवी मेश्राम व संच यांचा लोकगीत व आर्केष्ठाचा कार्यक्रम होणार आहे.
पुढे बोलतांना आ. प्रा. डॉ अशोक उईके यांनी आदिवासी समाज बांधवानी एकत्रित होऊन विकासाच्या वाटेवर पुढे जाण्याच्या गरजेवर भाष्य केले.देशाचे यशस्वी पंतप्रधान नरेंद्रजी मोदी, लोकप्रिय उपमुख्यमंत्रीदेवेंद्रजी फडणवीस यांचे आदिवासी समाजाप्रती आस्था व विस्वासाचे नाते आहे.15 नोव्हेंबर हा क्रांतिसूर्य बिरसा मुंडा यांचा जन्मदिवस राष्ट्रीय जनजाती गौरवदिन म्हणून साजरा करण्यात येतो. या दिवशी सर्वांना सहभागी होता यावे म्हणून शासकीय सुट्टी जाहीर करण्याचा निर्णय शासनाने घेतल्याचे भाष्य त्यांनी केले.
बिरसा मुंडा जयंती दिनाचे औचित्य साधून जिल्हा वार्षिक आदिवासी उपाययोजना अंतर्गत शिवाजी नगर येथे बिरसा मुंडा आदिवासी सांस्कृतिक सभागृहाचे भूमिपूजन आ. प्रा. डॉ अशोक उईके यांचे हस्ते करण्यात आले. एक कोटी चे भव्य संकुल इथे होणार आहे. कार्यक्रमाच्या यशस्वी आयोजना करीता जयंती उत्सव समितीचे अध्यक्ष सुधाकर गेडाम, सचिव संदीप पेंदोर, कार्याध्यक्ष दिलीप कन्नाके यांचे सह समितीच्या पदाधिकारी यांनी परिश्रम घेतले. या वेळी भाजपा तालुकाध्यक्ष चित्तरंजन दादा कोल्हे, शहर अध्यक्ष कुणाल भोयर, किशोर जुनूनकर …..यांचे सह भाजपा पदाधिकारी, कार्यकर्ते मोठ्या संख्येने उपस्थित होते.