
माजी वरिष्ठ पोलीस निरीक्षक अशोक मारोती मेश्राम व यांच्या मित्र परिवारातर्फे आज दिनांक 29 ऑगस्ट रोजी सकाळी 11 वाजता एकात्मता रॅलीचे ढोल ताशांच्या गजरात भव्य दिव्य आयोजन करण्यात आले होते. या एकात्मता रॅलीचे मार्गक्रमन वडकी राळेगाव कळंब मार्गे बाभूळगाव या नियोजनात करण्यात आले होते. या रॅलीची सुरुवात माजी वरिष्ठ पोलीस निरीक्षक अशोक मेश्राम उमेदवार ७७ राळेगाव विधानसभा क्षेत्र यांनी वडकी येथून छत्रपती शिवाजी महाराज,महामानव डॉ बाबासाहेब आंबेडकर,भगवान बिरसा मुंडा,स्व बाळासाहेब ठाकरे यांच्या प्रतिमेला वंदन करून करण्यात आली. नंतर बाळासाहेब ठाकरे उड्डाणपूल येथून या एकात्मता रॅलीला उपस्थित मान्यवरांनी हिरवी झेंडी दाखवून या रॅलीचे पुढील आगमन केले. या रॅली दरम्यान अनेक युवक आपल्या मोटरसायकल घेऊन व अशोक मेश्राम मित्रपरिवार ग्रुपचे टी-शर्ट परिधान करून होते. यावेळी अशोक मारोती मेश्राम मित्र परिवार ग्रुपचे सर्व युवक उपस्थित होते.
