सहसंपादक : रामभाऊ भोयर
राळेगाव येथे दिनांक १२/९/२४ रोजी दुपारी १.३० वाजताच्या दरम्यान भरदुपारी राळेगाव शहरातील महालक्ष्मी मोबाईल शाॅपी जवळ चाकुहल्ला करुन केले गंभीर जखमी. सदर घटनेतील आरोपी विशाल मारोती खळसकार वय २२ वर्षे रा.झाडगाव यांनी जखमी योगेश उर्फ आशिष उत्तमराव लढी वय २९ वर्षे रा.झरगड सदर घटनेतील आरोपीच्या बहीणीचे जखमी योगेश उर्फ आशिष यांच्याशी पाच वर्षांपूर्वी प्रेमविवाह झाला होता.तेव्हापासुन जखमी ही त्यांच्या बहीणीला खुप त्रास देत असल्याने सदर घटनेतील आरोपी याने राळेगाव शहरातील महालक्ष्मी मोबाईल शाॅपी जवळ जखमींच्या पोटावर,मानेवर, चाकुने जिवेमारण्याच्या हेतुने वार केले .सदर घटनेची माहिती राळेगाव पोलिस स्टेशनचे ठाणेदार सिताराम मेहत्रे यांना मिळतात तातडीने घटनास्थळी पोहचुन जखमीला तातडीने त्याचे नातेवाईक यांनी ग्रामीण रुग्णालय राळेगाव येथे उपचारासाठी दाखल केले व.पुढील उपचारासाठी शासकीय रुग्णालयात यवतमाळ येथे पाठविण्यात आले असून उपचार सुरू आहे . जखमीचा भाऊ स्वप्नील उत्तम लढी यांनी राळेगाव पोलिस स्टेशनला रिपोर्ट दिला असता त्यावरुन अ.प.क्र.३७६/ २४ कलम १०९ भा.न्याय.सहिता अन्वये गुन्हा दाखल करण्यात आला आहे . घटनेतील आरोपी विशाल मारोती खळसकार याला राळेगाव पोलिसांनी अवघ्या आठ तासात अटक केली असुन घटनेचा पुढील तपास . रामेश्वर वेंजणे उपविभागीय पोलिस अधिकारी यांच्या मार्गदर्शनाखाली सिताराम मेहत्रे पोलिस निरीक्षक राळेगाव यांच्या मार्गदर्शनाखाली पोलिस उपनिरीक्षक विशाल बोरकर हे करीत आहे.
