सहसंपादक : रामभाऊ भोयर
राळेगाव तालुक्यातील वडकी पोलीस स्टेशन अंतर्गत येणाऱ्या पिंपळापूर येथील एका ३२ वर्षीय युवकाने आपल्या राहत्या घरी गळफास घेऊन आत्महत्या केल्याची घटना आज बुधवार दिनांक 23 ऑक्टोंबर रोजी ४ च्या दरम्यान उघडकीस आली. तपविन ज्ञानेश्वर मालेकर वय 32 वर्ष रा.पिंपळापूर असे आत्महत्या करणाऱ्या युवकाचे
नाव आहे.दरम्यान तपविन मालेकर याचेकडे ५ एकर शेती असून सततच्या नापिकीमुळे त्याचेवर खासगी कर्ज ओढावल्याने या विवंचनेत तपविन ने आपल्या राहत्या घरात गळफास घेऊन जीवनयात्रा संपविली. घटनेची माहिती पोलिसांना मिळतात वडकी पोलिस स्टेशनचे ठाणेदार सुखदेव बोरखडे बिट जमादार संदीप मडावी,किरण दासरवार यांनी घटनास्थळाला तात्काळ भेट दिली व घटनेचा पंचनामा करून मृतदेह पुढील उपचारासाठी राळेगाव येथे पाठविण्यात आला आहे.
मृतकाच्या भावाने सुद्धा दोन वर्षा आधी सततच्या नापिकीमुळे गळफास घेऊन आत्महत्या केली होती. आणि आज तपविन ने सुद्धा राहत्या घरी गळफास घेऊन आत्महत्या केली. कर्जामुळे दोन्ही भावांनी आत्महत्या सारखे टोकाचे पाऊल उचलुन जीवनयात्रा संपविली. आई-वडिलांना दोनच मुलं असल्याने आणि दोन्ही मुलांनी आत्महत्या केल्याने आई-वडील पोरके झाले असून या घटनेमुळे सर्वत्र हळहळ व्यक्त करण्यात येत आहे.
