सहसंपादक रामभाऊ भोयर

बुद्धगया येथील महाबोधी विहार बौद्ध धर्मीयांच्या ताब्यात देण्यात यावे तसेच बी.टी.एम.सी. अॅक्ट १९४९ पूर्णपणे रद्द करावा व बौध्दगया येथील महाबोधी महाविहार येथील गैरबौद्धांचे अतिक्रमण काढण्यात येऊन महाबोधी महाविहार (बिहार राज्य) च्या ट्रस्ट ची व्यवस्थापन समिती मुक्त करण्यात यावी या मुख्य मागणीसाठी बौद्ध भिकू उपासकांनी बुद्धगया येथे धरणे आंदोलन सुरू केले असून या आंदोलनाला पाठिंबा दर्शविण्यासाठी शहरात दिं.28 मार्च 2025 रोज शुक्रवारला भिम टायगर सेना राळेगावच्या वतीने मोर्चाचे आयोजन करण्यात आले होते हा मोर्चा डॉ. बाबासाहेब आंबेडकर पुतळ्या जवळून ते क्रांती चौक रावेरी पॉइंट या मार्गाने जावून तहसील कार्यालयात नेण्यात आला त्यानंतर तहसीलदार यांना निवेदन देवून यांच्या मार्फत राष्ट्रपतीना देण्यात आले.
बौध्दावर अन्याय करणारा ६ जुलै १९४९ चा बिहार सरकारने केलेला बुध्दगया मंदिर अक्ट रद्द करण्यात यावा व
महाबोधी महाविहार बौध्दांच्या ताब्यात देण्यात यावे यासाठी देश विदेशातील लाखो बौध्द भिकू व उपासकाचे उपोषण
आंदोलन महाबोधी महाविहार बुध्द गया येथे चालू असताना संविधानाच्या आर्टिकल १९ (२) नुसार शांततेच्या मार्गाने आंदोलन/उपोषण करण्याचा आमचा संविधानिक अधिकार असताना बिहार सरकारने पोलिसाचा वापर करून आंदोलन चिरडण्याचा केलेला प्रकार निंदनीय असून त्याचा निषेध नोंदवण्यासाठी तालुक्यातील राळेगाव भीम टायगर सेनचे जिल्हा उपाध्यक्ष गोपीचंद ढाले तालुकाध्यक्ष प्रवीण कांबळे कार्याध्यक्ष बबलू ताकसांडे आधीच्या नेतृत्वात मोर्चा काढण्यात आला होता या मोर्चात तालुक्यातील बौद्ध उपासक उपासिका मोठ्या संख्येने उपस्थित होते.
कडक उन्हातही पायदळ गाठले एसडीओ कार्यालय
दुपारच्या कडक उन्हातही मोर्चेकऱ्यांनी पायदळ तहसील कार्यालय गाठले आंदोलनात तालुक्यातील बौद्ध उपासक उपासीका तसेच भीम टायगर सेनेचे पदाधिकारी कार्यकर्ते या मोर्चात मोठ्या संख्येने सहभागी झाले होते

तीव्र आंदोलनाचा इशारा
महाबोधी विहार बौद्धांच्या ताब्यात न दिल्यास भविष्यात देशभरात तीव्र आंदोलन छेडले जाईल असा इशारा राष्ट्रपती यांना पाठविलेल्या निवेदनातून दिला आहे