सहसंपादक : रामभाऊ भोयर
न्यू एज्युकेशन सोसायटी राळेगाव द्वारा संचालित न्यू इंग्लिश हायस्कूल व कनिष्ठ महाविद्यालय येथील 10 वी व 12 वी बोर्ड परीक्षा 2025 चा निकाल नुकताच जाहीर झाला असून कनिष्ठ महाविद्यालय,मधून एच . एस. सी. बोर्ड परीक्षेत शाळेमधून प्रथम क्रमांक कु. गौरी सुनील माळवे द्वितीय क्रमांक कु.पूनम सुरेश सिडाम तर तृतीय क्रमांक कु अबोली विश्वास वैद्य हे विद्यार्थी गुणांनुक्रमे प्रथम आले असून एस. एस. सी. परीक्षेत सुद्धा शाळेने राळेगाव तालुक्यात उत्कृष्ट निकालाची परंपरा कायम ठेवत कु आकांक्षा कोहाड 96.40% गुण मिळवून तालुक्यातुन प्रथम आली असून आकांक्षा ला गणित विषयात 100पैकी 100 गुण प्राप्त झाले आहे तर द्वितीय क्रमांक मोहित खेकारे याने 93.40 % मिळवून प्राप्त केला असून तृतीय क्रमांक अथर्व भोरे 93.0% गुण मिळविले आहे…तसेच क्रिश विठ्ठलराव खेवले या विद्यार्थ्यांला विज्ञान विषयांमध्ये 100 गुणांपैकी 100 गुण प्राप्त झाले. एकंदरीत दरवर्षीप्रमाणे यावर्षीही सुद्धा 10 वी च्या बोर्ड परीक्षा निकालात शाळेने राळेगाव तालुक्यात बाजी मारली असून शाळेत प्राविण्य श्रेणीत तब्ब्ल 51 विद्यार्थी उत्तीर्ण झाले आहे.शाळेतील या सर्व गुणवंत विद्यार्थ्यांचा पुष्पगुच्छ व मिठाई भरवून सत्कार न्यू एज्युकेशन सोसायटी चे अध्यक्ष बी. के. धर्मे, सचिव सौं.डॉ अर्चना धर्मे यांनी केला तसेच शाळेतील या सर्व गुणवंत विद्यार्थ्यांना भविष्यातील शैक्षणिक कामगिरीसाठी शुभेच्छा दिल्या. यावेळी शाळेचे मुख्याध्यापक विजय कचरे, उपमुख्याध्यापक सुरेश कोवे, पर्यवेक्षक सूचित बेहरे तसेच संस्थेचे शिक्षक व शिक्षकेत्तर कर्मचारी, व विद्यार्थ्याचे पालक उपस्थित होते. शाळेतील 10 व 12 वी बोर्ड परीक्षेच्या या उत्कृष्ट निकाला बाबतीत समाजातील सर्वच स्तरावरून शाळेतील विद्यार्थ्यांवर अभिनंदनाचा वर्षाव होत आहे….
