सहसंपादक : रामभाऊ भोयर
राळेगाव तालुक्यातील दोन दिवसापासून सतत मुसळधार पावसामुळे बळीराजाची चिंता वाढताना झोप उडाली आहे असे दिसून येत आहे सुरवातीला मृग नक्षत्रात पावसाने दडी मारल्याने बळीराजावर दुबार पेरणीचे संकट ओढवले होते,त्यामुळे शेतकर् यावर कर्जाचा डोंगर कोसळला, तरी पण थोड्या दिवसाने आद्राच्या नक्षत्र रिम झिम पाऊस आल्याने पुन्हा बळीराजा नवचैतन तेवढा कर्जाचा डोंगर पचून आनंदाने काळ्या आईला हिरवा शालू नेसवायला सज्ज झाला,परंतु निसर्ग राजा मानायला तयार नाही दोन दिवसापून सतत मुसळधार पावसामुळे बळीराजाची चिंतेत पुन्हा वाढ केली,बी बियाणे व युरिया आणि खताच्या महागाईने आकाशाला झेप घेतली आहे,आता बळीराजाची चिंता खूपच वाढली असून झोप उडाली आहे,आता न्याय कोणत्या दरबारात न्यायचा कारण बळीराजाची बाजू घ्यायला व बाजू मांडायला कोणीच तयार नाही,बळीराजाला आशा होती की पावसाळी अधिवेशनात आपला भारत देश कृषी प्रधान म्हणून ओळखल्या जाते म्हणून पहिला मुद्धा बळीराजावर राहील पण तस काही घडताना दिसत नाही,आशाची निराशा होताना दिसत आहे बळीराजाच्या बाजूनी देव सुद्धा उभा राहताना दिसत नाही,म्हणून शेतकरी चिंता ग्रस्थ झाला आहे, कधी निसर्ग राजाचा प्रकोप,कधी बॅंकचे ओझ तर कधी बोगस बियाणे घेऊन फसतो तर कधी युरीया खताचा तुटवडा सांगा साहेब आमचं चुकलं तरी काय? आम्ही शेतकरी म्हणून जन्म घेतला याचा गुन्हा झाला का? आम्ही फक्त नुसते भाषणापुरते शेतकरी राजा आहे का?असे अनेक प्रश्र उपस्थितीत करत आपली मनातली भावना व्यक्त करतांना शेतकरी दिसून येत आहे. या दोन दिवसापासून सतत मुसळधार पावसामुळे काही शेतकऱ्यांचे शेतमालाचे नुकसान झाले आहे तर प्रशासनाकडून काही नुकसान भरपाई व मदत मिळतील का? याकडे सर्व शेतकऱ्याचे लक्ष वेधले आहे हे विशेष.
