सहसंपादक : रामभाऊ भोयर
राळेगाव शहरातील बांधकाम कामगारांना पूर्वी त्यांच्या हक्काच्या योजना आणि सवलतींसाठी पुसद येथे जावे लागत होते. मात्र, आता त्यांना हा त्रास सहन करावा लागणार नाही. भारतीय जनता पार्टीचे जिल्हा अध्यक्ष मा. प्रफुल्ल चौहान यांच्या सातत्यपूर्ण प्रयत्नांमुळे राळेगाव शहरातच बांधकाम कामगारांना डिनर सेट व भांडी वाटपाची सुविधा उपलब्ध होणार आहे.
ही योजना सुरु झाल्याने राळेगाव व परिसरातील बांधकाम मजुरांचा वेळ व खर्च वाचणार असून त्यांना योजनांचा थेट लाभ स्थानिक पातळीवर मिळणार आहे. यामुळे बांधकाम मजुरांमध्ये समाधानाचे वातावरण निर्माण झाले आहे.
मा. प्रफुल्ल चौहान यांनी सांगितले की,
“राळेगाव व परिसरातील बांधकाम कामगारांच्या समस्या सोडवण्यासाठी आम्ही कटिबद्ध आहोत. कामगारांना योजनांचा लाभ त्यांच्या गावीच मिळावा, ही आमची प्राथमिकता असून त्यासाठी आम्ही सतत प्रयत्नशील राहू.”
या निर्णयामुळे बांधकाम मजुरांना दिलासा मिळाला असून त्यांनी प्रफुल्ल चौहान यांचे मनःपूर्वक आभार मानले आहेत.
