यवतमाळ जिल्हा प्रतिनिधी रामभाऊ भोयर
शिवसेनाप्रमुख हिंदुहृदयसम्राट बाळासाहेब ठाकरे यांच्या जन्मशताब्दी वर्षात व शिवसेना उप शहर प्रमुख सुनिल क्षिरसागर यांच्या वाढदिवसानिमित्त सामाजिक बांधिलकी जपत शिवसेना (उद्धव बाळासाहेब ठाकरे) पक्षाच्या वतीने राळेगाव शहरातील पात्र लाभार्थ्यांसाठी विविध शासकीय योजनांचे मोफत प्रस्ताव तयार करून देण्याचा उपक्रम राबविण्यात आला.लाभार्थीच्या प्रस्तावाला
तहसील कार्यालयाकडून मंजुरात मिळेपर्यंत शिवसेना पाठपुरावा करणार असल्याचे शिवसेनेकडून सांगण्यात आले.
राळेगाव शहर प्रमुख शंकर गायधने व तालुका प्रमुख विजय पाटील यांच्या मार्गदर्शनाखाली संजय गांधी निराधार योजना, इंदिरा गांधी वृद्धापकाळ योजना तसेच श्रावणबाळ सेवा राज्य निवृत्ती वेतन योजनेअंतर्गत पात्र लाभार्थ्यांचे मोफत प्रस्ताव तयार करून देण्यात आले.तसेच नवीन शिधापत्रिका धारक कुटुंबांना अन्न सुरक्षा योजना व प्राधान्य गटांतर्गत धान्याचा लाभ मिळवून देण्यासाठी आवश्यक मार्गदर्शन व सहकार्य शिवसेनेच्या वतीने करण्यात आले.यावेळी श्रावणबाळ योजनेअंतर्गत वृद्धापकाळ निवृत्ती वेतनासाठी वेणु देविदास वानखेडे,मारोतराव चिंदूजी गायकवाड,देविदास गजबे, पुरुषोत्तम भाऊराव घडुले, अशोक लक्ष्मण शिंदे, गणपत मेश्राम, लक्ष्मी पवार गाडी लोहार (झाडगाव),महादेव केशव काटकर,प्रभाकर कोपरे, शोभा गोकुळशिंग गौतम, कलावती दादाराव राऊत यांचे प्रस्ताव तयार करण्यात आले. तसेच संजय गांधी निराधार योजनेअंतर्गत सुनंदा नरेश कुत्तरमारे, आदी लाभार्थ्यांचे प्रस्ताव मोफत तयार करून देण्यात आले.
या उपक्रमाच्या यशस्वीतेसाठी तालुका संघटक प्रशांत वा-हेकर, शहर संघटक योगेश मलोंढे, श्रीकांत कोदाणे, महिला आघाडीच्या पार्वता मुखरे, तसेच वैभव दुधे, सुधाकर शिखरे, हिमांशू कोहळे, शंतनू सहारे, राजू किन्हेकार, सुनिल कुबडे, दीपक केवटे (झाडगाव) व रोहित वर्मा यांनी विशेष परिश्रम घेतले.शिवसेनेच्या या सामाजिक उपक्रमामुळे अनेक गरजू व पात्र लाभार्थ्यांना शासकीय योजनांचा लाभ मिळविण्याचा मार्ग सुकर झाला असून नागरिकांनी या उपक्रमाचे स्वागत केले आहे.
