सहसंपादक : रामभाऊ भोयर
सगुणा रूरल फाउंडेशन मार्फत ‘एस.आर.टी’ — सगुणा रिजनरेटिव्ह टेक्निक म्हणजेच शून्य मशागत शेती प्रत्यक्ष पद्धतीने शेतकऱ्यांना शिकवण्यासाठी महाराष्ट्रभर एक महत्वाचा उपक्रम सुरू करण्यात आला आहे. या अभिनव ‘शेतीशाळा’ उपक्रमाचा शुभारंभ दिनांक १९ ऑक्टोबर २०२५ पासून झाला.
राज्यातील यवतमाळ, संभाजीनगर, अमरावती, चंद्रपूर, पुणे, नाशिक, लातूर, रायगड, जळगाव, जालना या १० जिल्ह्यांत एकाचवेळी या शेतीशाळा सुरू करण्यात आल्या आहेत.
एस.आर.टी. तंत्रज्ञानामुळे शुक्राणुजमिनीवरील नांगरणीचे अतिक्रमण कमी होते, गांडुळनिर्मितीस चालना मिळते, जमिनीचा पोत सुधारतो, सुपीक मातीची धूप थांबते तसेच शेतकऱ्यांचा उत्पादनखर्च लक्षणीयरीत्या कमी होतो, असा अनुभव तज्ञांनी नोंदवला आहे.
यवतमाळ जिल्ह्यातील राळेगाव तालुक्यात येवती येथील एस.आर.टी. शेतकरी उमेश पोहदरे (मो. ९७६७५१५४१०) हे प्रमुख प्रशिक्षक म्हणून कार्यरत आहेत. त्यांच्या शेतावर प्रत्यक्ष प्रात्यक्षिकासह महिन्यातून तीन वेळा शेतीशाळा आयोजित केल्या जातात.
उपक्रमाच्या शुभारंभदिनी — म्हणजेच १९ ऑक्टोबर रोजी — तेलंगणा, वर्धा, यवतमाळ व चंद्रपूर या जिल्ह्यांतील सुमारे ६० शेतकऱ्यांनी पहिल्या शेतीशाळेला उपस्थिती लावली.
