यवतमाळ जिल्हा प्रतिनिधी रामभाऊ भोयर
राळेगाव नगरपंचायतीच्या विषय समित्या व स्थायी समिती सभापती पदासाठी आज दिनांक २६ फेब्रुवारी २०२६ रोजी निवडणूक प्रक्रिया पार पडली. विशेष म्हणजे ही संपूर्ण निवड प्रक्रिया काही सदस्यांच्या विरोध असून शांततेत पार पडल्याने नगरपंचायतीत सर्वपक्षीय एकोप्याचे दर्शन घडले.नवीन सभापतींच्या निवडीमुळे नगरपंचायतीच्या विविध विकासकामांना गती मिळणार असल्याची अपेक्षा व्यक्त केली जात आहे. पाणीपुरवठा, सार्वजनिक बांधकाम, स्वच्छता व आरोग्य तसेच महिला व बालकल्याण या महत्त्वाच्या समित्यांसाठी सभापती व उपसभापतींची अधिकृत घोषणा करण्यात आली.
पाणीपुरवठा व जलनिस्सारण समिती
जानराव वामनराव गिरी, सार्वजनिक बांधकाम समित सौ. ज्योत्सनाताई भानुदासजी राउत, स्वच्छता आणि सार्वजनिक आरोग्य समिती सौ. कमरुनिस्साताई हमिदभाई पठान, महिला व बालकल्याण समिती (सभापती), सौ. सिमरनताई इमरान पठान, महिला व बालकल्याण समिती (उपसभापती)
सौ. मोहिनिताई प्रतिक बोबडे, या निवड प्रक्रियेसाठी पीठासीन अधिकारी म्हणून मा. गिरीष पारेकर (मुख्याधिकारी, गट अ, नगरपंचायत राळेगाव) यांनी काम पाहिले. संपूर्ण प्रक्रिया नियमानुसार व पारदर्शक पद्धतीने पार पडली.यावेळी नगरपंचायत अध्यक्ष रविंद्र शेषराव शेराम, उपाध्यक्ष जानराव वा. गिरी तसेच सर्व नगरसेवक व नगरसेविका उपस्थित होते. नव्याने निवड झालेल्या सर्व सभापती व उपसभापती तसेच समिती सदस्यांचे मा. गिरीष पारेकर यांनी पुष्पगुच्छ देऊन अभिनंदन केले.
