वर्धा:-विदर्भ राज्य आंदोलन समिती युवा आघाडीच्या जिल्हा उपाध्यक्षपदी युवा विदर्भवादी पियुष रेवतकर यांची नियुक्ती विदर्भ राज्य आंदोलन समिती युवा आघाडीचे जिल्हाध्यक्ष मुकेश ठाकुर यांनी केली आहे.
विदर्भ राज्य आंदोलन समिती युवा आघाडीचे प्रदेशाध्यक्ष मुकेश मासुरकर यांचे आदेशाने ही नियुक्ती करण्यात आली असून विदर्भ राज्य आंदोलन समितीचे नेते माजी आमदार एड. वामनराव चटप यांच्या नेतृत्वाखाली स्वतंत्र विदर्भ राज्याच्या निर्मितीसाठी पुर्ण प्रयत्न करणार असुन समितीच्या माध्यमातून जिल्ह्यातील सर्व गावातील तरुणांना स्वतंत्र विदर्भ राज्याच्या आंदोलनात जोडण्याचा निर्धार नवनियुक्त जिल्हा उपाध्यक्ष पियुष रेवतकर यांनी केला असुन ही जबाबदारी दिल्याबद्दल सर्वांचे आभार मानले आहे.वर्धा जिल्हा उपाध्यक्षपदी निवड झाल्याबद्दल विदर्भ राज्य आंदोलन समिती युवा आघाडीचे प्रदेश अध्यक्ष मुकेश मासुरकर,प्रदेश सहसचिव सचिन डाफे, विदर्भ राज्य आंदोलन समिती विद्यार्थी आघाडी जिल्हाध्यक्ष नितीन सेलकर,पंकज साबळे व सहकाऱ्यांनी पियुष रेवतकर यांचे अभिनंदन केले आहे.
