नेहमीच कोणत्या ना कोणत्या कारणामुळे चर्चेत राहणाऱ्या वणी उपजिल्हा रूग्णालयात सरकारी आरोग्य सेवेचा बोजवारा उडाल्याचे वास्तव चित्र आहे. वणी उपजिल्हा रूग्णालयात नेमणुक केलेल्या डॉक्टरची वणी पोलीस स्टेशन तसेच जिल्हा पोलिस अधीक्षक यवतमाळ, सामान्य प्रशासन विभाग जि.प. यवतमाळ, शासकीय वैद्यकीय महाविद्यालय यवतमाळ, येथे तक्रार करण्यात आल्याची माहिती येथिल शासकीय विश्रामगृहात दिनांक ४ ऑगस्ट ला दुपारी ३ वाजता घेण्यात आलेल्या पत्रकार परिषदेतून दिली आहे. यावर सदर विभाग काय कारवाई करतील याकडे लक्ष लागले.

तक्रारदार नरेंद्र शंकर बुजाडे रा. भगतसिंग नगर वणी यांनी दिलेल्या तक्रारीनुसार डिसेंबर २०२२ रोजी वणी ग्रामीण रूग्णालयात पत्नी भाग्यश्री नरेंद्र बुजाडे ही एक महिन्याची गर्भवती असल्याने तपासणीसाठी नेण्यात आले होते. व तिथेच तिचा उपचार सुरू होता. त्या दरम्यान डॉ. महेद्र लोढा हे ग्रामीण रुग्णालयात कार्यरत असल्यामुळे गर्भवती स्त्रीयांची तपासणी तेच करित होते. तक्रारदार नरेंद्र बुजाडे यांची पत्नी भाग्यश्री ही तिन महिन्याची गर्भवती असताना डॉ.लोढा यांनी तपासणी करून त्यांच्या खासगी लोढा हॉस्पीटल मध्ये सोनोग्राफी करण्यास सांगितले त्यावरून तक्रारदार नरेंद्र बुजाडे यांनी तपासण्या केल्या यावेळी डॉ. महेद्र लोढा यांनी बाळ सुखरूप असल्याचे सांगितले त्यानंतर वेळोवेळी ग्रामीण रूग्णालयात तपासणी केली मात्र 9 महीने पुर्ण होण्या अगोदरच प्रसुती झाली मात्र बाळ विकृत जन्माला आले असुन बाळ अंपग तसेच अवयव नसल्याने बाळ जिवीत राहु शकत नसल्याचे डॉक्टरांनी सांगितले त्यावरून डॉ. महेद्र लोढा यांना याबाबत विचारणा केली असता याबाबत मला जाब विचारणारे तुम्ही कोण असे म्हणुन शिवीगाळ केल्याचा आरोपही करण्यात आला आहे. सदर बाळ व त्याची आई शासकीय वैद्यकीय महाविद्यालय नागपूर येथे भर्ती असुन बाळावर उपचार सुरू असुन मृत्यूशी झुंज देत आहे. इकडे बाळाचे वडील नरेंद्र बुजाडे हे न्यायासाठी प्रशासनाचे उंबरठे झिजवत असुन दिनांक ४ ऑगस्ट ला डॉ. महेंद्र लोढा यांच्यावर कारवाईची मागणी पत्रकार परिषदेतून केली आहे.नवजात बाळ प्रकरणी आरोप बिनबुडाचे – डॉ. महेंद्र लोढा

येथील ग्रामीण रुग्णालयात जन्माला आलेल्या नवजात बाळाच्या शारीरिक प्रकृतीवरुन माझ्यावर करण्यात येत असलेले आरोप बिनबुडाचे असून हेतुपूरस्पर मला या प्रकरणात गोवण्याचा प्रयत्न केले जात आहे. मागील दोन तीन दिवसांपासून सोशल मीडियावर नवजात बाळाच्या फोटोसह माझे नाव बदनाम करण्याचे षड्यंत्र काही लोक रचत आहे. असे आरोप व खुलासा येथील डॉ. महेंद्र लोढा यांनी शुक्रवारी 4 जुलै रोजी दुपारी 4:30 वाजता येथील शासकीय विश्राम गृहात घेतलेल्या पत्रकार परिषदेत केला. सदर घटनेमुळे मानसिक त्रास होऊन वणी ग्रामीण रुग्णालयाच्या मानवसेवी स्त्रीरोग चिकित्सक (आयपीएचएस) या पदावरून राजीनामा दिल्याची माहिती डॉ. लोढा यांनी यावेळी दिली.

प्राप्त महितीनुसार वणी येथील प्रख्यात स्त्रीरोग तज्ञ चिकित्सक व लोढा मल्टीस्पेशलिटी हॉस्पिटलचे संचालक डॉ. महेंद्र लोढा हे वणी ग्रामीण रुग्णालयात मानवसेवी स्त्रीरोग चिकित्सक महणून सेवा देतात. दिनांक 28 जुलै रोजी वणी येथील भाग्यश्री नरेंद्र बुजाडे या महिलेची येथील ग्रामीण रुग्णालयात प्रसूती झाली. प्रसूतीनंतर जन्मास आलेल्या बाळाच्या पोटावर नाभीच्या ठिकाणी मांसाचा गोला दिसून आला. तसेच नवजात बाळाच्या शौच व लघवी करण्याचे अवयवसुद्धा विकसित झालेले नसल्याचे निदर्शनास आले. प्रसूतीपूर्व दिनांक 22 मे 2023 रोजी सदर महिलेची लोढा हॉस्पिटल मधील सरकारमान्य सोनोग्राफी केंद्रावर साधी सोनोग्राफी करण्यात आली होती. त्यामुळे गर्भातील बाळाच्या शारीरिक विकाराबाबत डॉ. लोढा यांनी पालकांना माहिती दिली नसल्याचा आरोप करून नवजात बालकाच्या वडिलांनी वणी पोलीस ठाण्यात व जिल्हा शल्य चिकित्सक यवतमाळ यांच्याकडे डॉ. लोढा यांची तक्रार केली. तसेच सोशल मीडियावर नवजात बालकाच्या फोटोसह डॉ. लोढा यांच्या निष्काळजीपणामुळे बालकाच्या जिवावर असा प्रसंग बेतल्याची पोस्ट व्हायरल केली जात आहे.

दिनांक 4 जुलै रोजी दुपारी 3 वाजता नवजात बालकाचे वडील नरेंद्र बुजाडे व माजी नगरसेविका प्रीती बीडकर यांनी विश्रामगृहात पत्रकार परिषद घेऊन डॉ. लोढा यांच्यावर आरोप करत कारवाईची मागणी केली. त्यानंतर डॉ. लोढा यांनी 4:30 वाजता पत्रकार परिषद घेऊन आपल्यावर लावण्यात आलेल्या आरोपाबाबत खुलासा केला. वणी ग्रामीण रुग्णालयात सोनोग्राफी मशीन उपलब्ध नसल्यामुळे लोढा मल्टीस्पेशलिटी हॉस्पिटल मधील सोनोग्राफी केंद्राला सरकारमान्य सोनोग्राफी केंद्राची परवानगी शासनाने दिली. ग्रामीण रुग्णालयातून रेफर केलेल्या गरोदर महिलेची सोनोग्राफी करण्यासाठी शासनाकडून त्यांना दर सोनोग्राफी 400 रुपये मिळतात. तर गरोदर महिलेकडून सोनोग्राफीचे कोणतेही शुल्क आकारले जात नाही. तसेच त्यांच्याकडे leval-1 सोनोग्राफी मशीन असून फक्त साधी सोनोग्राफी केली जाते. महिलेच्या सोनोग्राफी दरम्यान गर्भाशयामध्ये बाळ 22 आठवडयाचा असून विसंगती चाचणी (anomaly scan) साठी 3 डी सोनोग्राफी केंद्रावर जाऊन सोनोग्राफी करण्याचा सल्ला डॉ. लोढा यांनी महिलेला दिला. तसेच त्यांना रेफर लेटर देण्यात आले. मात्र महिलेनी anomaly scan सोनोग्राफी केलीच नाही. व त्यानंतर प्रसूती होईपर्यंत महिला परत तपासणीसाठी त्यांच्याकडे आलीच नाही. त्यामुळे नवजात बालकाच्या शारीरिक प्रकृती बाबत माझा कोणताही दोष नाही –

डॉ. महेंद्र लोढा