राळेगाव तालुका प्रतिनिधी रामभाऊ भोयर

राज्यातील अंत्योदय शिधापत्रिकाधारक कुटुंबांना मोफत साडी देण्याचा निर्णय राज्य सरकारने घेतला आहे. राज्यातील जवळपास२४ लाख५८हजार अंत्योदय कुटुंबाना या योजनेचा लाभ मिळणार असून याबाबत सहकार, पणन आणि वस्त्रोद्योग विभागाने शुक्रवारी निर्णय जारी केला.वस्त्रोद्योग विभागाने२जून २०२३रोजी एकात्मिक आणि शाश्वत वस्त्रोद्योग धोरण जाहीर केले आहे.या धोरणानुसार अंत्योदय शिधापत्रिकाधारक कुटुंबांना वस्त्रोद्योग विभागातर्फे यंत्रमागावर विणलेली प्रति कुटुंब एक साडीचे मोफत वाटप करण्याची योजना आखली आहे.ही योजनेचा कालावधी २०२३ ते २०२८ या पाच वर्षांसाठी निश्चित करण्यात आलेला आहे. त्यानुसार पात्र कुटुंबांना पुढील पाच वर्षे प्रत्येक वर्षी एक या प्रमाणे साडीचे मोफत वाटप केले जाणार आहे.सदर योजना राज्य यंत्रमाग महामंडळ राबविणार असून सन-२०२३-०२४या वर्षासाठी महामंडळ एक साडी ३५५/- रुपयांना खरेदी करणार आहे.या योजनेसाठी साड्यांचे उत्पादन,वाहतूक, जाहिरात,प्रसिद्धी,साठवणू,
हमाली यासाठी येणारा खर्च महामंडळाला राज्य सरकारकडून देण्यात येणारं आहे.