
सहसंपादक : रामभाऊ भोयर
सद्या राळेगाव महसूल विभाग ॲक्शन मोडवर असून दररोज एक ना एक अवैध रेतीचा ट्रॅक्टर पकडला जात असल्याने अवैध रेती तस्करात धडकी भरली असून सतत अवैध रेती ट्रॅक्टर पकडणे सुरू असून आज दिं. ७ एप्रिल रोज सोमवार ला १:०० वाजताच्या दरम्यान मुधापुर परसोडा रोडवर अवैध रेती वाहतूक करणारा ट्रॅक्टर पकण्यात आला आहे.
ही कारवाई नरेंद्र हलामी निवासी नायब तहसीलदार, एम. डी. सानप मंडळ अधिकारी निलेश देवळे ग्राम महसूल अधिकारी अंतरगाव ग्राम महसूल अधिकारी, यांनी अवैध रेती वाहतूक करणारा ट्रॅक्टर जप्त केला असून सदर ट्रॅक्टरचा पंचनामा करुन पुढील दंडात्मक कारवाई करिता वडकी पोलिस स्टेशन येथे जमा करण्यात आला आहे.
