सहसंपादक : रामभाऊ भोयर
आदिवासी समाजातील युवक सुशांत रमेश आत्राम यांनी संघर्ष व मेहनतीच्या जोरावर एक डिजिटल अॅप विकसित करून ते यशस्वीरीत्या लॉन्ज केले आहे. त्यांच्या या उल्लेखनीय कार्याची दखल घेत जंगोदाई पेनठाना ट्रस्ट, पांढरकवडा तर्फे त्यांचा सन्मानपूर्वक सन्मानचिन्ह,पिवळा गमछा,पुष्पगुच्छ देवून सत्कार करण्यात आला.
या सत्कार समारंभाच्या अध्यक्षस्थानी जंगोदाई पेनठाना ट्रस्ट चे अध्यक्ष ति.भाऊराव मरापे सर होते.तसेच प्रमुख उपस्थिती म्हणून ट्रस्ट चे उपाध्यक्ष तिरु. रितेश परचाके सर , सुशांत आत्राम यांचे वडील श्री. रमेश आत्राम,विश्वस्त तिरु.दीपाताई कुडमेथे,तिरु.शालिनीताई कुमरे तसेच जंगोदाई पेनठाना ट्रस्ट चे सर्व पदाधिकारी,सदस्य व समाजबांधव उपस्थित होते. डिजिटल व तंत्रज्ञानाच्या क्षेत्रात आदिवासी युवकही सक्षम आहेत, हा आत्मविश्वास सुशांत आत्राम यांनी आपल्या कार्यातून समाजासमोर मांडला आहे. त्यांची ही कामगिरी आदिवासी समाजातील तरुणांसाठी प्रेरणादायी असल्याचे मत यावेळी व्यक्त करण्यात आले.या सत्कार समारंभाचे सूत्रसंचालन कु.सुवर्णा वरखडे यांनी केले तर आभारप्रदर्शन संतोष पेंदोर यांनी केले.
