सहसंपादक : रामभाऊ भोयर

राळेगाव तालुक्यातील भाविक भक्तांचे श्रद्धास्थान असलेल्या अवलिया सती सोनामातेची पुण्यतिथी सोहळा राळेगाव तालुक्यातील चहांद परसोडा येथे मोठ्या उत्साहात दरवर्षी सर्व भाविक भक्तांच्या वतीने साजरी करण्यात येत असून दरवर्षी प्रमाणे याही वर्षी सती सोनामातेची 45 वी पुण्यतिथी सोहळ्याचे दिनांक 12/2/2026 पासून आयोजन करण्यात आले असून तो सोहळा 14/2/2026 पर्यंत चालणार असून या सोहळ्याची सांगता दिनांक 14/2/2026 रोजी होणार आहे.या पुण्यतिथीची कार्यक्रमाची रूपरेषा अशाप्रकारे असून दिनांक 12/2/2026 रोजी सायंकाळी सकाळी ठिक 10.00 वाजता कलश पुजन व पालखी मिरवणूक सोहळा पार पडणार असून सायंकाळी 6.00 वाजता श्रमिक सती सोनामाता वारकरी भजन मंडळ चहांद येथील श्री सुदामराव निसार यांच्या मंडळाच्या माध्यमातून हरीपाठाचे सादरीकरण करण्यात येणार आहे.त्यानंतर 13/2/2026 रोज शुक्रवारला सकाळी ठिक 5.00 वाजता सती सोनामाता भजन मंडळ चहांद परसोडा व श्री शेंडे गुरूजी यांच्या मंडळाद्वारे काकड्याचे सादरीकरण करण्यात येणार असून सायंकाळी 6.00 वाजता श्रमिक सती सोनामाता वारकरी भजन मंडळ चहांद परसोडा यांचे हरिपाठाचे आयोजन करण्यात येणार आहे.तर कार्यक्रमाचे शेवटच्या दिवशी दिनांक 14/2/2026 रोज शनिवारला सकाळी 5.00 वाजता सती सोनामाता भजन मंडळ चहांद यांचे काकड्याचे सादरीकरण करण्यात येणार आहे तर सायंकाळी 6.00 वाजता श्रमिक सती सोनामाता वारकरी भजन मंडळ चहांद परसोडा व सुदामराव निसार यांचे हरिपाठाचे सादरीकरण करण्यात येणार आहे.तर सायंकाळी 8.00 वाजता पालखी सोहळा व दिंडी मिरवणूक सोहळा पार पडणार आहे.तर याच दिवशी दुपारी 12 वाजता गोपाळ काल्याचे आयोजन करण्यात आले आहे.तर आळंदी देवाची येथील भागवताचार्य रामायणाचार्य हे.भ.प. राहुलजी मोरे महाराज यांच्या काल्याच्या किर्तनाचे आयोजन करण्यात आले आहे.या किर्तनात साथ संगत ह. भ.प. शंकरराव सराटे यांची मृदुंगाची साथ मिळणार असून ही.भ.प. आकाशजी लोखंडे यांची हार्मोनियमची साथ मिळणार आहे तर ह.भ.प. प्रशांत किन्नाके यांचे गायन सादर करण्यात येणार आहे.या कार्यक्रमाला प्रमुख पाहुणे म्हणून महाराष्ट्राचे आदिवासी विकास मंत्री प्राचार्य अशोकराव उईके सर उपस्थित राहणार असून सोबतच माजी आमदार राजूभाऊ तिमांडे, अँड.प्रफुलभाऊ चव्हाण चित्तरंजजी कोल्हे, प्रशांत तायडे,जानरावजी गिरी, ठाणेदार सुखदेवराव भोरखेडे , प्रविण कोकाटे, डॉ.कुणाल भोयर,संजय काकडे, नंदकुमार गांधी, विनोद मांडवकर,बाळुभाऊ धुमाळ, आशिष पारधी, जितेंद्र कहुरके , प्रसाद ठाकरे, राहुल मेश्राम या मान्यवर मंडळीची उपस्थिती राहणार असल्याचे युवा नेतृत्व चारूदत्त अशोकराव पाटील यांनी प्रसिद्धी पत्रकाद्वारे कळविले आहे.