सहसंपादक: रामभाऊ भोयर
हिंदवी स्वराज्याचे संस्थापक व संपूर्ण विश्वासाठी आदर्श ठरलेले छत्रपती शिवाजी महाराज यांच्या जयंतीनिमित्त राळेगाव शहरात दिनांक १७ ते १९ फेब्रुवारी २०२६ दरम्यान शिवतीर्थ येथे तीन दिवसीय “छत्रपती महोत्सव” आयोजित करण्यात आला आहे.या महोत्सवाच्या स्वागताध्यक्षपदी यवतमाळ नगरपरिषदेच्या नगराध्यक्षा अॅड. प्रियदर्शनी अशोक उईके यांची नियुक्ती करण्यात आली आहे.महोत्सवाची सुरुवात १७ फेब्रुवारी रोजी दुपारी २ वाजता १६ ते २२ वयोगटातील विद्यार्थ्यांसाठी वक्तृत्व स्पर्धेनेहोणार असून विजेत्यांना आकर्षक बक्षिसे देण्यात येणार आहेत. त्याच दिवशी सायंकाळी ७ वाजता सुप्रसिद्ध सप्तखंजेरी वादक पंकज पाल महाराज यांचा सामाजिक विषयांवरील प्रबोधनपर कार्यक्रम आयोजितकरण्यात आला आहे.
१९ फेब्रुवारी रोजी सकाळी ९ वाजता छत्रपती शिवाजी महाराजांच्या अश्वारूढपुतळ्याचे विधिवत पूजन करण्यात येणार आहे. त्यानंतर शहरातून बाईक रॅली काढण्यात येणार असून सकाळी ११ वाजता शिवतीर्थ येथे रक्तदान शिबिर आयोजित करण्यात आले आहे. दुपारी ३ वाजता शहरातून भव्य शोभायात्रा काढण्यात येणार असून विविध दिंड्यांचा सहभाग राहणार आहे. दिंडी स्पर्धेतील विजेत्यांना आकर्षक रोख पुरस्कार देण्यात येणार आहेत. दरवर्षीप्रमाणे हा महोत्सव छत्रपती शिवाजी महाराज जयंती उत्सव समिती, राळेगाव यांच्या वतीने आयोजित करण्यात येत असून तीन दिवसीय कार्यक्रमांना मोठ्या संख्येने उपस्थित राहण्याचे जाहीर आवाहन समितीने सर्व नागरिकांना केले आहे.
१८ फेब्रुवारी रोजी सकाळी ९ वाजता शालेय विद्यार्थ्यांसाठी सांस्कृतिक स्पर्धा व किल्ले स्पर्धा घेण्यात येणार आहेत. सायंकाळी खुल्या सांस्कृतिक कार्यक्रम स्पर्धेत राजमाता जिजाऊ, छत्रपती शिवाजी महाराज व छत्रपती संभाजी महाराज यांच्या शिवकालीन प्रसंगांवर आधारित सादरीकरण अनिवार्य ठेवण्यात आले आहे. या स्पर्धेसाठी अनुक्रमे ३१ हजार, २१ हजार व १५ हजार रुपयांची रोख बक्षिसे तसेच प्रोत्साहनपर पुरस्कार देण्यात येणार आहेत.
