सहसंपादक : रामभाऊ भोयर
राळेगाव ग्रामीण : राळेगाव तालुक्यातील खैरी येथे महाराष्ट्राचे आराध्य दैवत हिंदवी स्वराज्याचे संस्थापक छत्रपती शिवाजी महाराज,यांच्या३९६ व्या,जयंती निमित्त शिवजन्मोत्सव समिती व खैरी ग्रामवासियांनी छत्रपती शिवाजी महाराज यांचा जन्मोत्सव मोठ्या उत्साहात, भजन मंडळ व दिंडी काढून टाळ मृदुंगाच्या गजरात भक्तीमय वातावरणात मोठ्या उत्साहाने साजरा करण्यात आला .
खैरी येथे शिवाजी महाराज जयंती निमित्त मोठ्या प्रमाणात भजनी मंडळ द्वारे दिंडी काढून तसेच प्रति शिवाजी महाराज वेशभूषेत साहिल पांगुळ या मुलाला शिवाजी महाराजांची वेशभूषा प्रदान करून घोड्यावर संपूर्ण गावात मिरवणूक काढण्यात आली. यावेळी संपूर्ण खैरी गाव व शिवप्रेमीच्या,,”जय,भवानी,जय, शिवाजी ” च्या घोषणेने दुमदुमला . शिवजन्मोत्सव कार्यक्रमानिमित्त मिरवणुकीचा कार्यक्रम ५ वाजता सुरू करण्यात आला. ग्रामपंचायत भावनातील शिवाजी महाराज यांच्या पुतळ्याचे पूजन,व पुष्प हार अर्पण करून शिवजन्मोत्सव मंडळ व ग्रामवस्यांनी अभिवादन केले व नंतर संपूर्ण गावातून मिरवणूक काढण्यात आली. यात गावातील भजनी मंडळ यांची दिंडी व जिल्हा परिषद शाळेतील मुलींचे लेझीम नृत्य होते. त्या नंतर जिल्हा परिषद शाळेतीलछोट्या, छोट्या मुलीनी विविध वेशभूषा केल्या होत्या. मिरूणूक संपल्यानंतर जिल्हा परिषद शाळेतील मुला-मुलींनी शिवाजी महाराजांच्या यांच्यावर भाषणे दिली. भाषणांत शिवरायांचे विचार,इतिहास सांगितला. शिव जयंती निमित्त संपूर्ण खैरी गावात महिलांनी आपापल्या घरासमोर रांगोळी रेखाटल्या होत्या तसेच दीप प्रज्वलन केले होते. दिंडी पालखी सोहळा संपूर्ण गावामध्ये टाळ मृदंगाच्या गजरात संपुर्ण खैरी गाव गाव दुमदुमले होते.
अशा पद्धतीने खैरी येथे शिवाजी महाराज यांचा जन्मोत्सव मोठ्या उत्साहाने व आनंदाने साजरा करण्यात आला. उत्सव साजरा करताना वडकी पोलीस स्टेशनचे ठाणेदार सुखदेव बोरखेडे यांनी चोख पोलीस बंदोबस्त ठेवला होता. शिवाजी महाराज जन्मोत्सवाची मिरवणूक व सर्व कार्यक्रम शांततेत पार पडला त्याबद्दल शिवजन्मोत्सव मंडळ खैरी यांनी समस्त ग्रामवासी यांचे आभार मानले कशा पद्धतीने शिवजन्मोत्सव साजरा करण्यात आला तसेच शिवाजी महाराज जन्मोत्सवा निमित्त बुधवार २५ फेब्रुवारी रोजी बाल कीर्तनकार ह भ प माऊली महाराज जाऊळकर यांच्या कीर्तनाचा कार्यक्रम ठेवण्यात आला आहे.
