यवतमाळ जिल्हा प्रतिनिधी रामभाऊ भोयर
घरगुती गॅस सिलिंडर वेळोवेळी मिळत नसल्याने तसेच सिलिंडरच्या दरात वाढ व नवीन ‘स्टोव्ह’ ची बाजारात पुरेशी उपलब्धता नसल्याने अडगळीला पडलेले ‘स्टोव्ह’ पुन्हा दुरुस्त करून पुन्हा स्वयंपाक घरात दिसू लागले आहेत. ‘स्टोव्ह’साठी लागणारे रॉकेल बाजारपेठेत नसल्याने डिझेलवर चालवण्याची वेळ गृहिणींवर आली आहे.
गतकाही वर्षांपूर्वी प्रत्येक घरामध्ये चुलीवर स्वयंपाक व इतर कामे केली जात होती. त्यासाठी लागणारे लाकूड व त्यामधून निर्माण होणारा धूर आरोग्याला अपायकारक असल्यामुळे शासनाने त्याकाळी सरकारमान्य दुकानातून सवलतीच्या दरामध्ये रॉकेल उपलब्ध करून देत होते. त्यामुळे साहजिकच प्रत्येक घरात चुलीची जागा ‘स्टोव्ह’ने घेतली होती . तेव्हापासून घरांत असणारा ‘स्टोव्ह’ एक प्रतिष्ठेचे लक्षण मानले जात होते.
कालांतराने शासनामार्फत बायोगॅस व एलपीजी गॅसला सबसिडी व प्राधान्य दिले जाऊ लागले. त्यामुळे प्रत्येक
घरातील चूल व स्टोव्ह हळूहळू बंद होऊ लागला. बाजारपेठेमध्ये एलपीजी गॅस सहज उपलब्ध होऊ लागला तसेच गृहिणींना स्वयंपाक व इतर
जीवनावश्यक कामासाठी गॅसमुळे सोपे जाऊ लागले. काळाच्या ओघात चूल व स्टो हळूहळू नामशेष होऊ लागले.
पूर्वी सर्व स्टोव्ह रॉकेल वर चालवले जात होते; मात्र आता बाजारात रॉकेल उपलब नसल्याने या जुन्या स्टोव्हमध्ये किरकोळ दुरुस्ती करून हे स्टोव्ह डिझेलवर चालव जाऊ शकतात. त्यामुळे अनेक जुने स्टोव दुरुस्तीसाठी येऊ लागले आहेत.
अजगरभाई कारागीर, – राळेगाव
आखाती देशातील युद्धाची झळ आता आपल्यापर्यंत पोहोचू लागली आहे त्यामुळे मागील काही दिवसांपासून सिलिंडरची टंचाई व वाढते दर लक्षात घेऊन अनेक घरांमध्ये पुन्हा चुली पेटू लागल्या तर अडगळीतील स्टोव्ह दुरुस्त करून स्वयंपाक घरात येत आहेत.
