यवतमाळ जिल्हा प्रतिनिधी रामभाऊ भोयर

एस . एस. सी. बोर्ड परीक्षा 2026 चा निकाल 8 मे रोजी जाहीर झाला असून, राळेगाव येथील नामवंत न्यू इंग्लिश हायस्कूल शाळेची दरवर्षी उत्कृष्ट निकालाची परंपरा कायम राहिली आहे. शाळेतून एस. एस. सी. बोर्ड परीक्षेत एकूण तब्बल 323 विद्यार्थी प्रविष्ठ होते, त्यापैकी 290 विद्यार्थी उत्तीर्ण झाले असून, शाळेचा एकूण निकाल 89.78 % इतका लागला आहे.
या शैक्षणिक वर्षीही 10 वीच्या परीक्षेत मुलींनीच बाजी मारली असून राळेगाव तालुक्यातुन व शाळेतून प्रथम येण्याचा मान कु निकिता साखरकर या विदयार्थीनीने मिळवला आहे..शाळेतील गुणवंत विद्यार्थिनींचे तपशील पुढीलप्रमाणे असून शाळेतून
प्रथम क्रमांक कु.निकिता साखरकर 95.20%, द्वितीय क्रमांक हर्षल मेलोंडे 92.80%
तर तृतीय क्रमांक कु.दिया येणोरकर 92.20% हे तीन विद्यार्थी शाळेतून गुणांनुक्रमे उत्तीर्ण असून शाळेतून 51 विद्यार्थी प्रविण्य प्राप्त असून शाळेतून 68 विद्यार्थी प्रथम श्रेणीत, 97 विद्यार्थी द्वितीय श्रेणीत तर 74 विद्यार्थी तृतीय श्रेणीत उत्तीर्ण झाले आहेत. शाळेची ग्रामीण पार्श्वभूमी असतानाही विद्यार्थ्यांनी दाखविलेली शैक्षणिक गुणवत्ता कौतुकास्पद असून त्याकरिता शाळेतील दहावीचे नियमित वर्ग , सराव परीक्षा,व इतर शैक्षणिक उपक्रम
यामध्ये शिक्षकांचा व विदयार्थ्यांचा मोठा वाटा आहे. शाळेच्या या उज्वल व उल्लेखनीय निकालाबद्दल न्यू एज्युकेशन सोसायटीचे अध्यक्ष बी. के. धर्मे, सचिव सौ. डॉ. अर्चना धर्मे, मुख्याध्यापक विजय कचरे, उपमुख्याध्यापक सुरेश कोवे, पर्यवेक्षक सूचित बेहरे, तसेच शाळेतील सर्व शिक्षक आणि शिक्षकेत्तर कर्मचाऱ्यांनी विद्यार्थ्यांचे मनःपूर्वक अभिनंदन केले आहे…