प्रतिनिधी:ऋषिकेश जवंजाळ,काटोल

प्रतिनिधी/२७ डिसेंबर
काटोल : जि.प.शिक्षकांची, शिक्षकांनी,शिक्षक,विद्यार्थी व समाज विकासाकरिता चालविलेली शैक्षणिक चळवळ ‘वेध प्रतिष्ठान,नागपूर’ द्वारा शैक्षणिक व सामाजिक क्षेत्रात उल्लेखनीय कार्य करणाऱ्या शिक्षकांना व शाळेला प्रदान करण्यात येणारे प्रतिष्ठेचे समजले जाणारे पुरस्कार वितरण कार्यक्रम नुकताच जि.प.प्राथमिक शाळा,कारला येथे संपन्न झाला.
कार्यक्रमाच्या अध्यक्षस्थानी काटोल पं.स.सभापती धम्मपाल खोब्रागडे , शुभहस्ते प्रसिद्ध साहित्यिक प्रमोद अणेराव तर विशेष अतिथी म्हणून जि.प.सदस्य समीर उमप, उपसभापती अनुराधा खराडे, पं.स.सदस्य संजय डांगोरे, वेध प्रतिष्ठानचे अध्यक्ष डॉ.मनोहर नरांजे,शिक्षण विस्तार अधिकारी संतोष सोनटक्के, केंद्रप्रमुख राजू धवड, सरपंच शोभा मोरोलिया, शा.व्य.स.अध्यक्ष अनिल एकटिया प्रामुख्याने उपस्थित होते.
‘शिक्षणतज्ज्ञ जे.पी.नाईक शिक्षक गौरव राज्यस्तरीय पुरस्कार’ जि.प. प्राथमिक शाळा,कोयनगुडा पं.स.भामरागड जि.प.गडचिरोली येथील विनीत बंडूजी पद्मावार यांना, ‘पूज्य साने गुरुजी शिक्षक गौरव जिल्हास्तरीय पुरस्कार’ मंगला नरेंद्र लांडे जि.प. उच्च प्राथमिक शाळा, पिपळा पं.स.सावनेर आणि सचिन भिमराव चव्हाण जि.प. उच्च प्राथमिक शाळा हिवरा पं.स. रामटेक यांना , वेध प्रतिष्ठानच्या कार्यकर्त्यांसाठी असलेला ‘शिक्षणवेध कार्यकर्ता पुरस्कार’ वासंती वसंत गोमासे, जि.प. उच्च प्राथमिक शाळा, पडसाळ पं. स.कामठी, आपल्या वैशिष्ट्यपूर्ण कार्यामुळे समाजात व शिक्षण क्षेत्रात आगळेवेगळे स्थान निर्माण करणाऱ्या जिल्हा परिषद शाळेसाठी असलेला “कर्मवीर भाऊराव पाटील जि. प.शाळा गौरव पुरस्कार” जि.प. प्राथमिक शाळा, कारला पं.स.काटोल या शाळेला वितरित करण्यात आला असून शाळेला व शाळेतील मोहन डांगोरे, संजय ताथोडे, वनिता गोरे, अंगणवाडी सेविका कुमुद नौकरिया यांना रोख, मानपत्र, सन्मानचिन्ह,शाल,श्रीफळ व पुष्पगुच्छ देऊन गौरविण्यात आले.
कार्यक्रमाचे प्रास्ताविक वेध प्रतिष्ठानचे सचिव खुशाल कापसे, संचालन घनश्याम भडांगे तर आभार प्रदर्शन राजेंद्र टेकाडे यांनी केले.कार्यक्रमाच्या यशस्वीसाठी एकनाथ खजुरीया, धनंजय पकडे, कमलेश सोनकुसळे,संदीप टेंभे, वसंत गोमासे, शंकर जीवनकर, ओंकार पाटील, कृष्णा चावके,किर्ती पालटकर, वैशाली ठाकरे, राजेश माहूरकर,डॉ.अश्विन किनारकर, मारोती मुरके आदींनी परिश्रम घेतले.