प्रतिनिधी:उमेश पारखी,राजुरा
वेकोलिच्या सास्ती(राजुरा) धोपटाळा या कोळसा खाण कामगारांच्या कॉलनी जवळ आयटक व बीएमएम या कामगार संघटनांचे कार्यालय आहे. या समोरच रस्त्याचे बाजूला एक सीमेंटचा चबुतरा आहे. खाणीतील काम संपल्यावर सायंकाळी या चबुतऱ्यावर येऊन गप्पागोष्टी करीत बसतात, या वसाहतीतील कामगार मित्रांचा अर्थात या चर्चेचे वेळी काहींना खरा व तंबाखू खाण्याची आवड होती.
या गोष्टी एकमेकांना आग्रह करून भरविण्यात त्यांना मित्रत्वाचा खरा अनुभव येत असावा. पण यापैकी एकाला ताप आला आणी त्याने कोरोना तपासणी केली तेव्हा त्याला कोरोनाचा प्रादुर्भाव झाल्याचे निष्पन्न झाले. यानंतर या सर्वच मित्रांनी कोरोना तपासणी केली , तपासणी नंतर सर्वच सहा मित्र पॉझिटिव्ह आले. यापैकी एकाला चंद्रपूरला बेड न मिळाल्याने त्याला अमरावतीला पाठविण्यात आले आहे.
