प्रतिनिधी:प्रमोद जुमडे, जाम

. दि 29/4/2021 चे रात्री 11.30 वा चे सुमारास जाम चौकामध्ये राष्ट्रीय महामार्ग क्रमांक 44 वर ट्रेलर क्रमा आर.जे.09 जी.सी.3025 हा चंद्रपूर कडून नागपूरकडे जात होता. दरम्यान जाम चौक पार करीत असता हैदराबाद कडून नागपूर कडे जाणारी ट्रॅव्हल्स क्रमांक एम.एच. 31 एफ.सी. 5185 चे चालकाने आपले वाहन भरधाव वेगाने व निष्काळजीपणे चालून जाम चौक येथे ट्रेलरला मागून जगर धडक दिली. त्यामध्ये ट्रॅव्हल्स चालक त्रिभुवन माणिकपुरे रा.नागपूर चे पायाला मार लागून गंभीर जखमी झाला व ट्रॅव्हल्स मधील इतर दोन इसम किरकोळ जखमी झाले. माहिती प्राप्त होताच महामार्ग पोलीस केंद्र जाम येथिल सपोनि प्रमोद पाटील व पोलीस अमलदार सुधाकर बावणे, गौरव खरवडे,शरद इंगोले, राजेंद्र बेले, अजय बेले,भारत पिसुडडे, पोना सुनील श्रीनाथे यांनी तात्काळ घटनास्थळी पोहचून जखमींना ट्रॅव्हल्स चे बाहेर काढले. उपचार करीता रुग्णवाहिका मधून ग्रामीण रुग्णालय समुद्रपूर येथे दाखल केले. तसेच ट्रॅव्हल्स व ट्रेलर केनचे सहाय्याने रोडच्या बाजूला करून वाहतूक व्यवस्था सुरळीत केली. पुढील तपास पोलीस स्टेशन समुद्रपूर करीत आहे.