1

रामदास सूकर भोये (59,रा. राज्य कर्मचारी हौसिंग सोसायटी घर डी 4/6 अशोक नगर सातपूर) यांनी (दि. 17) सकाळी अकरा वाजून पाच मिनिटांनी सीबीएस (CBS) येथील स्टेट बँकेच्या (State Bank) शाखेतून सात लाख रुपये रोख रक्कम काढली. ती घेऊन ते त्यांची चारचाकी कार (एम. एच. 15 जे. आर. 3039) ने त्यांच्या मुलाच्या सासुरवाडीला नवीन नाशकातील (New Nashik) हेडगेवार नगर येथे आले. त्यांनी बँकेतून काढलेली रोकड ही गाडीच्या मागच्या सीटवर पिशवीत ठेवली होती.
दरम्यान ते मुलाच्या सासुरवाडी असलेल्या घरात गेले असता त्यांना गाडीची काच फुटायचा आवाज आला. त्यांनी बाहेर येऊन बघितले असता एका दुचाकीवर आलेल्या दोन व्यक्तींनी त्यांच्या गाडीची ड्रायव्हर सिटच्या मागील बाजूची काच फोडल्याचे त्यांचे लक्षात आले व दुचाकीवर बसलेल्या मागच्या व्यक्तीच्या हातात रोकड असलेली पिशवी दिसून आली.
यावरून भोये व त्यांच्या मुलांनी सदर दुचाकी स्वाराचा पाठलाग केला असता पिशवी मधून दीड लाख रुपये खाली पडले. मात्र त्यावेळी सदर भामटे पळून जाण्यास यशस्वी ठरले. याप्रकरणी भोये यांनी अंबड पोलिस ठाण्यात तक्रार दिली असून गुन्हा दाखल करण्यात आला आहे.
याप्रकरणी पुढील तपास वपोनी कुमार चौधरी यांच्या मार्गदर्शनाखाली उपनिरीक्षक कैलास सोनवणे अंमलदार दीपक वाणी करीत आहेत.