राळेगाव तालुका प्रतिनिधी रामभाऊ भोयर
वंदनीय हिंदूहृदय सम्राट बाळासाहेब ठाकरे यांच्या आशिर्वादाने व शिवसेना मुख्य नेते माननीय एकनाथजी शिंदे साहेब(मुख्यमंत्री महाराष्ट्र राज्य) यांच्या आदेशानुसार जिल्ह्याचे पालकमंत्री संजय भाऊ राठोड यांनी दि. ९ डिसेंबर ला यवतमाळ येथे कार्यक्रम आयोजित केला. यात राळेगाव तालुक्यात गेल्या अनेक वर्षांपासून शिवसेनेची एकनिष्ठ धुरा सांभाळत असलेले तसेच सामाजिक कार्यात नेहमी अग्रेसर असलेले युवा कार्यकर्ते मनोज भाऊ भोयर यांची बाळासाहेबांची शिवसेना पक्षाच्या राळेगाव तालुका प्रमुख पदी नियुक्ती करण्यात आली आहे.
वंदनीय हिंदूहृदय सम्राट बाळासाहेब ठाकरे यांच्या हिंदुत्ववाचा विचार व धर्मवीर आनंद दिघे साहेब यांची शिकवण याचा सक्रियपणे प्रचार आणि प्रसार कराल तसेच शिवसेना पक्ष वाढी साठी आपण सर्वांना सोबत घेवून कार्य कराल असा विश्वास असल्याचा पक्षाच्या वतीने व्यक्त केला आहे.
या पक्ष प्रवेश कार्यक्रमात यवतमाळ जिल्ह्यातील विविध कार्यकारिणी गठीत करण्यात आली. यावेळी तालुका प्रमुखांचे मनःपूर्वक अभिनंदन करण्यात आले असून, पुढील वाटचालीस शुभेच्छा दिल्या. यावेळी जिल्ह्यातील बाळासाहेबांची शिवसेना पदाधिकारी व कार्यकर्ते मोठ्या संख्येने उपस्थित होते.
