प्रतिनिधी प्रवीण जोशी
ढाणकी
दिनांक १ फेब्रुवारी रोजी ढाणकी शहराजवळच असलेल्या बिटरगाव( बू )येथील अविनाश कोंडेवाड या युवकाने अनेक तरुणांसमोर एक आदर्श ठेवला गावातीलच वसंतराव नाईक कृषी विज्ञान व उच्च माध्यमिक शाळा बिटरगाव ( बु) येथील दहावीच्या व बारावीच्या विद्यार्थ्यांना किमान ५४० पृष्ठपत्र देऊन स्वतःचा वाढदिवस साजरा करून युवकासमोर आदर्श निर्माण केला.
वसंतराव नाईक कृषी विज्ञान व उच्च माध्यमिक शाळा येथील प्राचार्य महोदया यांच्यासमोर अविनाश गणेशराव कोंडेवाड यांनी एक आदर्श संकल्पना मांडली आणि त्यांनी सुद्धा या युवकाच्या नाविन्यपूर्ण ऊकृष्ट उपक्रमास तितक्याच तत्परतेने मार्गदर्शन केलेच शिवाय परवानगी सुद्धा लगेच देऊन यास सहकार्य केले हे विशेष बाब होय जेमतेम शिक्षण व सर्वसाधारण आर्थिक परिस्थिती असताना हा उपक्रम राबविण्याचे ठरविले व आपण बघतोच आहे की युवकांचा वाढदिवस म्हटल्यानंतर अत्यंत महागाचा भला मोठा केक आणून किंवा मोठमोठे फलक गावात लावून त्यावर अनेक राजकीय मंडळीचा व अनेक मित्रांच्या शुभेच्छांचा वर्षाव असतो असे असताना या सर्व बाबींना फाटा देत अविनाश ने एक स्तुत्य उपक्रम राबविण्याचे ठरविले अशा बाबींचा अनेक युवकांना विसर पडत असताना अविनाश अजूनही समाजाला देणे आहे ही बाब अनेक तरुणांना ठणकावून सांगण्याचा प्रयत्न त्याने केलेल्या उपक्रमातून दिसतो तरुणांना समाजाचे काहीतरी देणे लागते याची जाण ठेवत तसेच हे पृष्ठपत्र वाटप केल्यामुळे येणाऱ्या काळातअनेक मुलांना यातून प्रेरणा मिळेल केवळ शिक्षण शिकून पदवी घेऊन नोकरी करणे हाच उद्देश शिक्षणाचा न ठेवता अशा पद्धतीने उपक्रम राबविल्यास जे काही शिक्षण झाले त्या घेतलेल्या शिक्षणास पूर्णत्व मिळेल असे या वेळेस अविनाश म्हणाला नक्कीच या उपक्रमामुळे देशातील युवक आपली जबाबदारी जाणून आहे अर्थातच अशा युवकामुळे गावचे राज्याचे व देशाचे सुद्धा नक्कीच भविष्य उज्वल आहे एवढे नक्की तसेच पृष्ठपत्र विद्यार्थ्याला वाटत असताना गणेशच्या चेहऱ्यावर आनंद तर होताच शिवाय समाधान सुद्धा बघायला मिळाले यावेळी गावातील अनेक मान्यवर व प्रतिष्ठित नागरिक उपस्थित होते माजी सैनिक उत्तमराव शिरगिरे, गजानन मेचेवाड, देवा भाऊ देवकते, वसंता नरवाडे शिवा तुपेकर, दीपक देवकते, योगेश फुलारे, प्रवीण सावते, कृष्णा जुंकूटवार, माधव बंडेवाड, तेजस महाजन, गजानन रणखांब, व विद्यालयातील समस्त शिक्षक वृंद उपस्थित होते.
