सहसंपादक : रामभाऊ भोयर
सावरगाव येथे जागतिक कापूस दिन (World Cotton Day) मोठ्या उत्साहात साजरा करण्यात आला. कार्यक्रमाचे आयोजन उत्तम कापूस निर्मिती प्रकल्पा अंतर्गत येणाऱ्या स्पेक्ट्रम फाउंडेशन च्या वतीने करण्यात आले होते.यामध्ये कापसाची शेती करतांना सुधारित बियाण्यांचा वापर,सेंद्रिय पद्धतीने शेती,तसेच एकात्मिक कीड व्यवस्थापन या प्रत्यक्षिक क्षेत्रावर कापूस पिकामधील मित्र किड वाढण्यासाठी खाद्यापासून तयार केलेले कल्चर चा वापर करून त्या पासून मित्र किडी मध्ये होणारी वाढ व त्याचा फायदा या संदर्भात मार्गदर्शन स्पेक्ट्रम फाउंडेशन चे व्यवस्थापक श्री नरेश बाजरे यांनी केले.
कृषी विभाग कळंब येथील श्री. महेंद्र ओंकार यांनी कापसाच्या उत्पादनात आधुनिक तंत्रज्ञानाचा वापर कसा करावा व कृषी विभागामध्ये येणाऱ्या वेगवेगळ्या योजनांचा फायदा शेतकऱ्यांना कसा चांगल्या प्रकारे घेता येईल यावर सविस्तर माहिती दिली.गावातील यशस्वी शेतकरी किशोर सावरकर यांनी स्वतःच्या अनुभवातून व प्रात्यक्षिक क्षेत्रामधून फवारणी व रासायनिक खतामध्ये झालेला कमी खर्च याचे उदाहरण उपस्थितांसमोर मांडले .
कार्यक्रमात उपस्थित शेतकऱ्यांना माहितीपत्रके दिली या कार्यक्रमाला स्पेक्ट्रम फाउंडेशन चे स्थानिक पदाधिकारी संदीप जगताप, किशोर पळसराम,प्रियंका ओंकार,वैभव मेघळ,वैभव इजपाडे, हितेश भोयर, लक्ष्मण यादस्कर, नागसेन सुटे,अंकुश न्हाणे,शुभम डफळे,शेतकरी बांधव, कृषी तज्ज्ञ, आणि ग्रामस्थ मोठ्या संख्येने या कार्यक्रमाला उपस्थित होते
