पुणे जिल्हा अध्यक्ष समीर देसाई सर व सागर माने सर यांचे प्रयत्न

सहसंपादक : रामभाऊ भोयर

भारतीय परिचर्या परिषद (INC) चे अध्यक्ष दिलीप कुमार यांची भेट घेऊन महाराष्ट्र राज्य पत्रकार संघाने नर्सिंग क्षेत्रातील ज्वलंत प्रश्नांबाबत निवेदन दिले आहे, ते अत्यंत महत्त्वपूर्ण असून सर्व नर्सिंग स्टाफ यांच्या वतीने महाराष्ट्र राज्य पत्रकार संघ मुंबई डिजिटल मिडिया चे पुणे जिल्हा अध्यक्ष तथा मार्गदर्शक समीर देसाई सर सचिव सागर माने सर यांच्या सूचनेनुसार प्रा.महारुद्र मुंडे यांनी मांडलेले मुद्दे हे सामाजिक , दुर्लक्षित असलेल्या लाखो परिचारिका बंधु भगिनींच्या थेट भविष्याशी,आत्मनिर्भरतेशी, स्वावलंबनाशी निगडित आहेत.
या निवेदनावर आधारित महत्त्वाचे मुद्दे खालीलप्रमाणे आहेत:
निवेदनातील प्रमुख मागण्या
खाजगी रुग्णालयांतील वेतन तपासणी: खाजगी रुग्णालयांमध्ये नर्सिंग स्टाफला शासकीय नियमांनुसार (Minimum Wages) वेतन मिळत आहे की नाही, याची पडताळणी करण्यासाठी स्पॉट पंचनामा आणि स्टिंग ऑपरेशन सारखी कठोर पावले उचलण्याची मागणी करण्यात आली आहे.
लिंगभेद धोरण रद्द करणे (80:20 / 90:10 Ratio): AIIMS, DMER आणि DHS यांसारख्या सरकारी संस्थांमध्ये पदभरती करताना स्त्री आणि पुरुष असा जो भेदभाव केला जातो, तो तात्काळ रद्द करण्याची मागणी केली आहे.
समान संधी: नर्सिंग व्यवसाय हे “नोबेल” क्षेत्र असल्याने तिथे भरती ही केवळ गुणवत्ता (Merit) आणि पात्रतेवर आधारित असावी, लिंगावर नाही, असे स्पष्ट करण्यात आले आहे.
नर्सिंग पदभरतीतील आरक्षणाची सद्यस्थिती (80:20 नियम)
नर्सिंग पदभरतीत महिलांना ८०% आणि पुरुषांना २०% आरक्षण देण्याचा निर्णय गेल्या काही वर्षांपासून वादाचा विषय ठरला आहे , देशभरात अनेक नर्सिंग संस्था,संघटनांना एकत्र करत जॉइंट वर्किंग कमिटी व महाराष्ट्रात मेल नर्सेस बचाव समिती यांनी रस्त्यांवर उतरून लोकशाही मार्गाने तीव्र आंदोलने मागील काळात केली आहेत.

अध्यक्षांचे आश्वासन
भारतीय परिचर्या परिषद
INC चे अध्यक्ष दिलीप कुमार यांनी या प्रकरणाची गांभीर्याने दखल घेण्याचे आणि त्यावर योग्य ती कार्यवाही करण्याचे आश्वासन दिले आहे. हि मागणी नर्सिंग क्षेत्रातील पुरुष उमेदवारांसाठी आणि सर्व प्रकारच्या खाजगी क्षेत्रातील लाखो असंघटित नर्सिंग स्टाफ यांच्या साठी मोठा दिलासा ठरू शकते या सर्व मागण्या मान्य झाल्या, तर आरोग्य क्षेत्रात अधिक पारदर्शकता येईल आणि पात्र उमेदवारांना त्यांच्या लिंगाचा विचार न करता कामाची समान संधी, खाजगी हॉस्पिटल मध्ये शासकीय नियमानुसार वेतन यासारख्या सर्व सोयी सुविधा मिळतील अशी अपेक्षा सर्व नर्सिंग स्टाफ यांनी व्यक्त केली आहे वरील मागण्या संदर्भात महाराष्ट्र राज्य पत्रकार संघ मुंबई डिजिटल मिडिया यांनी पाठिंबा दिला आहे.