सहसंपादक : रामभाऊ भोयर

इंदिरा गांधी कला महाविद्यालय, राळेगाव येथील विद्यार्थिनी कु. नंदिनी भगत (बी.एस्सी. प्रथम वर्ष) व कु. तनू काकडे (बी.ए. प्रथम वर्ष) यांची वेस्ट झोन आंतरविद्यापीठ हँडबॉल स्पर्धेसाठी निवड झाली आहे.ही स्पर्धा २२ ते २६ फेब्रुवारी २०२६ दरम्यान गुजरात राज्यातील राजकोट येथील सौराष्ट्र विद्यापीठात आयोजित करण्यात येणार असून सदर स्पर्धेत सहभागी होण्याची संधी मिळणे ही महाविद्यालयासाठी अभिमानाची बाब मानली जात आहे.

विद्यार्थिनींच्या या उल्लेखनीय यशाबद्दल माजी शालेय शिक्षण मंत्री मा. प्रा. वसंतराव पुरके, महाविद्यालयाचे प्राचार्य डॉ. अल्फ्रेड शेख, क्रीडा संचालक डॉ. किरण पवार तसेच सर्व प्राध्यापकवर्ग, कर्मचारी व विद्यार्थ्यांनी त्यांचे अभिनंदन करून पुढील स्पर्धेसाठी शुभेच्छा व्यक्त केल्या आहेत.या निवडीमुळे महाविद्यालयाच्या क्रीडा परंपरेत आणखी भर पडली असून परिसरातून विद्यार्थिनींच्या कामगिरीचे स्वागत करण्यात येत आहे.