सहसंपादक : रामभाऊ भोयर

सामाजिक वनीकरण विभाग यवतमाळ , रेंज राळेगाव व न्यू इंग्लिश हायस्कूल राळेगाव येथील इको क्लब व हरित सेनेच्या माध्यमातून टिपेश्वर अभयारण्य मध्ये निसर्ग शिबिर राबविण्यात आले.
सामाजिक वनीकरण विभाग यवतमाळ यांना केंद्र शासनाकडून Environment Education Program (EEP) अंतर्गत इको क्लब शाळांतील विद्यार्थ्यांना वने/वन्यजीव आणि पर्यावरणसंबंधी निसर्ग शिक्षणाद्वारे संवेदनशीलता विकसित करणे, जैवविविधता, पक्षी दर्शन, वनौषधी, वन व्यवस्थापन व मानव वन्यजीव संघर्ष इत्यादींची सामान्य माहिती व अनुभव प्रधान करण्याच्या हेतूने राष्ट्रीय हरित सेना अंतर्गत राबविण्यात आलेल्या निसर्ग शिबिर उपक्रमात टिपेश्वर अभयारण्यामध्ये, राळेगाव येथील न्यू इंग्लिश हायस्कूल इको क्लब शाळेच्या (राष्ट्रीय हरित सेना) सहली करिता एकूण 20 विद्यार्थ्यांनी सहभाग घेतला.
या निसर्ग शिबिर ( Nature Camp) करिता दिनांक 10 फेब्रुवारी 2026 सहलीचे आयोजन करण्यात आले होते. या सहली करिता न्यू इंग्लिश हायस्कूल येथील हरित सेना प्रभारी शिक्षक गोपाल महादेव बुरले यांच्या मार्गदर्शनात वीस विद्यार्थ्यांनी सहभाग घेतला त्यामध्ये जयंत ढाले, सत्यम वकील,संकेत सुरकार ,पार्थ मडावी, कृष्णा शेडमाके, सार्थक गौरकार, योगेश सोनवणे, गणेश येसनसुरे ,अथर्व खंडाळकर, दुर्गेश ठमेकर अथर्व काकडे, वेदांत ढेकणे, प्रथमेश शेलुकर, सिद्धेश्वर दोडेकर ,आदर्श रोकडे , ओम चीकराम, वंश शेलुकर, मनीष बोबडे, साहेब सय्यद व ओम आलोडे.
या शिबिराचे आयोजन मा. प्रणिता पारधी (विभागीय वन अधिकारी) यांचा मार्गदर्शनाखाली
कु. मेघा सुधाकर गुडंकवार ( वन परिक्षेत्र अधिकारी )
श्री. उमेश शंकर परडके ( वनपाल )
श्री. सुधाकर भागवत सरनाईक ( वनरक्षक )
श्री. आशुतोष प्रविण नस्करी ( वनरक्षक ) यांच्या प्रत्यक्ष उपस्थितीत राबविण्यात आले. वरील मान्यवरांनी विद्यार्थ्यांना टिपेश्वर अभयारण्यातील विविध गोष्टींचे मार्गदर्शन केले.