सहसंपादक: रामभाऊ भोयर
स्मशानभूमी राळेगांव येथे विविध उपयुक्त साधन सामुग्री साठी भरीव आर्थिक सहयोग करण्याऱ्यां मान्यवरांचा गुणगौरव, सत्कार माॅर्निंग पार्क गृप राळेगांव च्या वतीने महाशिवरात्री पावनपर्वा चं औचित्य साधून करण्यात आला आहे….
यावेळी प्रमुख उपस्थिती नगराध्यक्ष रविंद्र शेराम, उद्योजक संजय घीया, रमेश कन्नाके,यांची होती…
तीन वर्षांपूर्वी स्मशानभूमीत काहीच सोईसुविधा उपलब्ध नव्हत्या, या साठी माॅर्निंग पार्क गृप चे जानराव गीरी (उपाध्यक्ष नपंरा), प्रदीप ठूणे शहर अध्यक्ष काॅग्रेस सह इतर सहकारी मित्रमंडळी नी स्मशानभूमी सौंदर्यीकरण करण्याचा संकल्प केला आणि आज स्मशानभूमीत बसण्यासाठी सिमेंट चे बेंचेस, हिरवी विविध प्रकारचे वृक्ष, फुलझाडे, हिरवा लाॅन, उद्योजक संजय घीया यांनी पिण्याचे थंडगार फिल्टर युक्त पाणी, मोठं बोअरवेल सह इतर सोयी सुविधा उपलब्ध करुन देण्यात आल्या आहेत…
माॅर्निंग पार्क गृप राळेगांव मध्ये जवळपास पस्तीस च्या वर सदस्य असून आपला वाढदिवस इतर पध्दतीने साजरा न करता ठराविक रक्कम स्मशानभूमीच्या सौंदर्यीकरणा साठी दिली आहे..
सोबत चं शहरातील विविध क्षेत्रातील मान्यवरांनी या साठी सढळ हाताने आर्थिक मदत दिली आहे..
सुप्रसिद्ध व्यवसायी संजय पोपट यांनी भव्य दिव्य प्रवेशद्वार बांधून दिलंय, त्यांचा ही लोकार्पण मान्यवरांच्या हस्ते करण्यात आला आहे..
नगर पंचायत राळेगांव च्या वतीने दरवर्षी स्मशानभूमी येथे भगवान शिवशंकर जी च्या मुर्तीं चं विधिवत पुजन व फराळाचा आस्वाद दिला जातोय…..
स्मशानभूमीत जाणाऱ्या रस्त्यावर व आत मध्ये शंभर वृक्ष प्रदीप ठूणे यांनी पावसाळ्यात लावले आहेत..
या वेळी संजय घीया, सुरेश वर्मा, बंदीश पिंपरे, राजेंद्र दुधपोळे, राजू गांधी,बी यू राऊत,हमीदभाई पठाण,
मनिष बोथरा,अशोक पिंपरे, व इतर मान्यवरांचा सेवा पुरस्कार देऊन गौरविण्यात आले आहे..
कार्यक्रमाचं सूत्रसंचालन राजेश नागतूरे, आभार प्रदर्शन ॲड किशोर मांडवकर यांनी केले होते..

