.

सहसंपादक : रामभाऊ भोयर

राळेगाव तालुक्यातील सराटी लोणी ही गावे अतिशय जंगल परिसरात असून त्यातही जंगली प्राण्यांचा जबरदस्त धाक असतांनाच बांधकाम विभागाच्या दुर्लक्षामुळे लोणी सराटी येथील लोकांना फार मोठ्या प्रमाणात हाल अपेष्टा सहन कराव्या लागत आहेत. लोणी ते सराटी या रोडचे बऱ्याच दिवसांपासून खडीकरण केले आहे.डाबंरीकरणचे काम सुरू आहे.लोणी वरध रस्त्याजवळ 500 मीटर डांबरीकरण सोडून दिले आहे.तसेच लोणी सराटी मोहदा रोडला डांबरीकरणापासून सोडली आहे.सदर रोडला मोठं मोठे खड्डे पडले आहे.सध्या परिस्थीत तात्पुरती खड्डे बुजवणे मोहीम सुरू आहे. वास्तविक पाहता लोणी सराटी हा रोड पूर्ण पाहायला पाहिजे होता परंतु एक किलोमीटर सोडला आहे.सार्वजनिक बांधकाम विभाग राळेगाव या विभागामार्फत बहुतेक सदर रोडचे कार्यालयात बसून इष्टीमेट बनवले असावे.अशी शंका उपलब्ध होत आहे.हा एक किलोमीटर रोड मध्येच सोडण्याचे कारण काही समजले नसून सदर एक किलोमीटर रोडचे काम ताबडतोब करण्यात यावे.अन्यथा आम्हाला आंदोलनाचा मार्ग स्वीकारावा लागेल असा इशारा सराटी येथील प्रतिष्ठित नागरिक अनिल ठाकरे यांनी प्रसिद्धी पत्रकाद्वारे दिला आहे.