सहसंपादक : रामभाऊ भोयर
दिनांक 8 मार्च 2026 रोजी जिल्हा परिषद प्राथमिक शाळा मजरा येथे जागतिक महिला दिनानिमित्त रांगोळी स्पर्धा घेण्यात आली व विद्यार्थ्यांना भेटवस्तूचे वाटप करण्यात आले.
जागतिक महिला दिनाचे औचित्य साधून शाळेमध्ये रांगोळी स्पर्धेचे आयोजन करण्यात आले .कार्यक्रमाची सुरुवात थोर व कर्तृत्ववान महिला अहिल्याबाई होळकर ,राष्ट्रमाता जिजाऊ व क्रांतीज्योती सावित्रीबाई फुले यांच्या प्रतिमेच्या पूजनाने करण्यात आली. त्यानंतर गावातील सर्व महिलांनी शाळेमध्ये आयोजित केलेल्या रांगोळी स्पर्धेमध्ये सहभाग नोंदवून अतिशय सुबक व आकर्षक अशा रांगोळ्या साकारल्या. रांगोळी स्पर्धेतील क्रमांक पटकविणाऱ्या व सहभाग नोंदविणाऱ्या सर्व स्पर्धकांना पर्यावरणपूरक कापडी पिशवीचे वाटप करण्यात आले.
तसेच रांगोळी स्पर्धेत भाग घेणाऱ्या सर्व महिलांच्या हस्ते शाळेतील सर्व विद्यार्थ्यांना प्रजासत्ताक दिनानिमित्त घेतलेल्या सांस्कृतिक कार्यक्रमाचे बक्षीस म्हणून टिफिन बॉक्स वाटप करण्यात आले. सर्वांना मिठाईचे वाटप करण्यात आले.
कार्यक्रमाचे संपूर्ण नियोजन शाळा व्यवस्थापन समिती मजरा व पालकांच्या सहभागाने करण्यात आले.
कार्यक्रमाचे यशस्वीतेसाठी सुनंदा जुनगरे, पार्वता मोहादे ,शीला वाडेकर, सुशीला खेडकर, प्रमिला वाडेकर, मंगला भारी, अनिता टेकाम, प्रभा खोरदे, अनुसया देवतळे, संगीता लोणकर, सुवर्णा मोहदे, अंजना भारी, रवीना टेकाम, ममता वैद्य, कीर्ती गोहाडे, कु. साक्षी गोहाडे , कु. काजल दगडे, यशोदा अंजीकर, ज्योती अंजीकर, मनीषा ठाकरे ,सरोज काळे हौसाबाई कीनाके, डोंगरखर्डा येथील शाळा व्यवस्थापन समिती अध्यक्ष दयाकर भाऊ बोरपे यांनी परिश्रम घेतले. कार्यक्रमाचे सूत्रसंचालन शाळेच्या मुख्याध्यापिका वर्षा लोणारे व आभार प्रदर्शन शितल येलेकर मॅडम यांनी केले. कार्यक्रमासाठी केंद्रप्रमुख ज्ञानेश्वर डंभारे सर व गटशिक्षणाधिकारी श्री अमोल वरसे साहेब यांनी मार्गदर्शन केले.
