.

यवतमाळ जिल्हा प्रतिनिधी रामभाऊ भोयर

नोंदणीकृत एलपीजी सिलेंडर धारक ग्राहकासाठी शासनाकडून केवायसी करणे आवश्यक झाल्यामुळे व ग्राहकांसाठी नवीन नियम सूचना एलपीजी सिलिंडर वितरण करणाऱ्या गॅस एजन्सी कडे प्राप्त झाल्यामुळे जागतिक युद्धजन्य परिस्थितीत एलपीजी सिलेंडरचा तुटवडा तर होणार नाही ना& या भीतीपोटी सिलेंडर मिळविण्यासाठी शेकडोच्या संख्येने एलपीजी सिलेंडर नोंदणीकृत ग्राहक या एलपीजी सिलेंडर वितरण करणाऱ्या एजन्सी समोर सकाळपासून रांगा लावीत आहे गॅस एजन्सी चे उंबरठे झिजवत आहे.

अपुऱ्या कर्मचारी वर्गामुळे दिवसभरात एका एलपीजी वितरण एजन्सीत दिवसभरात 40 ते 50 ग्राहकांची केवायसी करण्यात येते व नंतर रांगेत उभे राहून असलेले ग्राहकांचा हिरमोड होतो कामधंदे सोडून खेड्यापाड्यातून महिला, मजूर वर्ग एजन्सी पुढे ठाण मांडून बसतो हे चित्र चांगले नाही या बाबीची दखल घेऊन शिवसेना श्री उद्धव बाळासाहेब ठाकरे कडून यावर उपाययोजना करण्यासाठी शिवसेनेचे तालुकाप्रमुख विजय पाटील, शहर प्रमुख शंकर गायधने, महिला आघाडीच्या पार्वता मुखरे, उप तालुका प्रमुख प्रशांत वा-हेकर, उपशहर प्रमुख योगेश मलोंढे, श्रीकांत कोदाणे, सुनिल क्षिरसागर, महेंद्र तुमाने यांच्या प्रमुख उपस्थितीत निरीक्षण अधिकारी चंद्रकांत पाटील अन्न व नागरी पुरवठा विभाग तहसील कार्यालय राळेगाव यांची भेट घेऊन एलपीजी गॅस सिलेंडर धारक ग्राहकांची होत असलेली हेळसांड यावर उपाय करण्यास संदर्भात चर्चा करण्यात आली.

राळेगाव
शहरातील एलपीजी गॅस सिलेंडर वितरक दोन एजन्सी कडून राळेगाव शहर व सर्व तालुका व इतर ठिकाणासाठी जवळपास 25 हजाराच्या वर नोंदणीकृत एलपीजी सिलेंडर धारक ग्राहकांची संख्या आहे केवायसी करण्यासाठी व सिलेंडर प्राप्त करण्यासाठी ग्राहकांना चार- चार तास रांगेमध्ये उभे राहावे लागते हे चित्र चांगले नाही गॅस एजन्सीने कर्मचारी वर्ग वाढविणे, घरपोच सिलेंडर सेवेत वाढ करणे, उन्हाची तीव्रता लक्षात घेता एजन्सी समोर सावलीसाठी तात्पुरता मंडप उभारणे, शुद्ध पिण्याच्या पाण्याची व्यवस्था करणे, गॅस एजन्सीकडे सिलेंडरचा साठा पुरेसा राहील याची दक्षता या विभागाने घेणे तसेच प्राधान्याने केवायसी साठी कॅम्प लावणे किंवा गाव,खेड्यात खातेदार, ग्राहकांची केवायसी करुन घेणे जेणेकरून गर्दीवर गर्दी कमी होण्यासाठी मदत होईल. अशा आशयाचे निवेदन निरीक्षण अधिकारी चंद्रकांत पाटील पुरवठा विभाग यांना देण्यात आले.

चर्चेत महादेव मुखरे,देवराव नाखले,सुधाकर शिखरे,धनराज श्रीरामे,रोशन उताणे,महादेव लांबाडे, देवा पांडव, वैभव दुधे, हिमांशू कोहळे, नितीन कोहळे, रवी मेश्राम, संतोष मेश्राम, शंतनु सहारे, वसंता कोदाणे, हनुमान बेसेकर, सुरेश चाफेकर, अतुल काकडे, संदीप होले, अमोल अलबनकर, इत्यादी शिवसेनेचे कार्यकर्ते हजर होते तर निवेदनावर वैशाली ठोंबरे, विनायक नगराळे, प्रवीण चांदेकर (सोयटी), प्रभाकर धोटे,निलेश खरजे, गोपाल धनरे, विनायक नारायण अष्टकार राळेगाव, नानाजी मानकोजी कोवे, वालधुर इत्यादींच्या स्वाक्षरी आहेत